قىرعىزستان الەمدىك تۋريستىك باعىتتار تىزىمىنە ەندى

استانا. قازاقپارات- امەريكالىق Forbes جۋرنالى قىرعىزستاندى 2017 -جىلدىڭ ەڭ تاماشا تۋريستىك باعىتتارى تىزىمىنە ەندى. 17 مەملەكەتتىڭ 17 باعىتى كىرگەن. جۋرنال سايتىندا قىرعىزستاننىڭ جاڭا باعىت ەكەنى ايتىلادى.

Forbes قىرعىزستان تەرريتورياسىنىڭ 93 پايىزى - تاۋلى جەر ەكەنىن، بۇل ەلدىڭ تاريحى مەن مادەنيەتى باي ەكەنىن ايتادى. باسىلىم قىرعىزستان الەمدەگى ەڭ بارۋعا تۇرارلىق جانە جەتە باعالانباعان ەلدەردىڭ ءبىرى جانە استاناسى بىشكەك - ورتالىق ازيانى زەرتتەۋگە تاپتىرماس ورتالىق دەيدى.

جۋرنال تىزىمىندە پورتۋگاليا، وڭتۇستىك كورەيا، رۋمىنيا، وڭتۇستىك افريكا رەسپۋبليكاسى، گرەكيا، فيليپپين، اۆستراليا، ترينيداد جانە توباگو، سلوۆاكيا، گرۋزيا، لاوس، ەگيپەت، بوليۆيا، يۋتا شتاتى، گۆاتەمالا، بەليز جانە گوندۋراس بار.

ءبىرقاتار حالىقارالىق باسىلىمدار 2016 -جىلى قىرعىزستاندى بارۋعا تۇرارلىق ەلدەر مەن ايماقتار تىزىمىنە ەنگىزگەن.