ا ق ش سەربيا پرەزيدەنتىنە ۆيزا بەرۋدەن باس تارتتى
سەربيانىڭ مەملەكەتتىك تەلەارناسىنا (ر ت ر س) بەرگەن سۇحباتىندا دوديك ەلشىلىك وعان يناۋگۋراتسياعا بوسنيا جانە گەرتسەگوۆينانىڭ وكىلى رەتىندە بارمايتىنىن سەبەپ قىلىپ باس تارتقانىن ايتقان. بوسنيالىق سەربتەردىڭ جەتەكشىسى يناۋگۋراتسياعا ترامپتىڭ جانىنداعى سەرىكتەرى شاقىرعانىن ايتقان.
دوديك وتكەن اپتادا ا ق ش مەملەكەتتىك حاتشىسى كومەكشىسىنىڭ ورىنباسارى حويت ييمەن تەلەفونمەن سويلەسكەنى تۋرالى تارقاتىپ ايتىپ بەرگەن. حويت يي ودان «سەپاراتيستىك پارتياسىنىڭ رەسەيشىل ساياساتتى ۇستانۋدان باس تارتۋىن» ءارى «بوسنيا جانە گەرتسەگوۆينانىڭ ايىپتاۋىنا جاۋاپ بەرۋدى» سۇراعان.
دوديك يدىڭ پىكىرىن «ا ق ش- تىڭ بوسنيا جانە گەرتسەگوۆيناداعى ەلشىسى مورين كورماك ويدان قۇراپ بەرگەن بوس مىلجىڭ» دەپ اتادى. ونىڭ سوزىنشە، تەلەفونمەن سويلەسكەندە مورين كورماك تا بولعان.
رترس ي «دوديكتى بوسنيا جانە گەرتسەگوۆينانىڭ ەۋروپا وداعىنا كىرۋىنە كەدەرگى كەلتىرىپ وتىر دەپ ايىپتاعانىن» حابارلادى.
«ازاتتىق» جاڭالىقتارى
