رەسەي، تۇركيا جانە يران سيريا بويىنشا كەلىسسوزگە دايىندىقتى باستادى
بۇل تۋرالى ريا نوۆوستي حابارلادى. «ءبىز قازىر تۇرىكتەرمەن، يراندىقتارمەن استانادا وتەتىن كەزدەسۋگە دايىندىققا كىرىسىپ جاتىرمىز»، - دەدى لاۆروۆ. بەيسەنبىدە پۋتين ءۇش قۇجاتقا قول قويعانىن حابارلادى: ءبىرىنشىسى - سيريا ۇكىمەتى مەن قارۋلى وپپوزيتسيا اراسىندا سار اۋماعىندا اتىستى توقتاتۋ تۋرالى: ەكىنشىسى - اتىستى توقتاتۋ رەجىمىن باقىلاۋ بويىنشا شارالار كەشەنى؛ ءۇشىنشىسى - سيرياداعى جاعدايدى رەتتەۋ بويىنشا بەيبىت كەلىسىمنىڭ باستالۋىنا ازىرلىك تۋرالى مالىمدەۋ. بۇدان بۇرىن پۋتين تۇرىك كوشباسشىسى تايىپ ەردوعانمەن سيرياداعى سوعىسىپ جاتقان تاراپتارعا استاناداعى جاڭا الاڭدا بەيبىت كەلىسسوز ۇدەرىسىن جالعاستىرۋدى ۇسىنۋ تۋرالى ۋاعدالاسقانىن حابارلاعان.
ونىڭ ايتۋىنشا، جاڭا الاڭ جەنيەۆالىق كەلىسسوزدەردى تولىقتىرادى. قازاقستان پرەزيدەنتى نۇرسۇلتان نازاربايەۆ پۋتينمەن جانە ەردوعانمەن تەلەفون ارقىلى سويلەسۋى بارىسىندا بۇل باستامانى قولداپ، استانانىڭ مۇنداي كەلىسسوز وتكىزۋ الاڭىن ۇسىنۋعا ءازىر ەكەندىگىن حابارلاعان.
