سيريادا قوس تاراپ اتىستى توقتاتۋ تۋرالى مالىمدەمەگە قول قويدى

استانا. قازاقپارات - سيريادا قاقتىعىسىپ جاتقان قوس تاراپ ەلدىڭ اۋماعىنداعى اتىستاردى توقتاتۋ تۋرالى كەلىسىمگە كەلىپ، بەيبىت كەلىسسوزدەر جاساسۋعا دايىن، دەپ مالىمدەدى ر ف پرەزيدەنتى ۆلاديمير پۋتين.

بۇل تۋرالى ريا نوۆوستي حابارلايدى. «بۇگىن، بىرنەشە ساعات بۇرىن، بارلىعىمىز ۇزاق كۇتكەن جانە سول ءۇشىن كوپ جۇمىستار اتقارعان وقيعا ورىن الدى» دەگەن حابارلاما ءقازىر كەلدى. ءۇش قۇجاتقا قول قويىلدى. ءبىرىنشى قۇجات - سيريالىق ۇكىمەت پەن قارۋلى وپپوزيتسيانىڭ اراسىندا سيريا- اراب رەسپۋبليكاسىنىڭ اۋماعىنداعى اتىستاردىڭ توقتاتىلۋى تۋرالى.

ەكىنشى قۇجات - اتىستى توقتاتۋ رەجىمىن قاداعالاۋ بويىنشا شارالار كەشەنى. ءۇشىنشى قۇجات - سيريالىق رەتتەلۋ بويىنشا بەيبىت كەلىسسوزدەردى باستاۋعا دايىن ەكەندىكتەرى تۋرالى مالىمدەمە»، - دەدى پۋتين س ءى م جانە قورعانىس مينيسترلىگىنىڭ باسشىلارىمەن كەزدەسۋ بارىسىندا.