17:42, 29 - جەلتوقسان 2016 | GMT +5
استاناداعى كەلىسسوزدەرگە «سيريانىڭ دەموكراتيالىق مايدانى» ۇيىمى قاتىسۋعا دايىن
استانا. قازاقپارات - «سيريانىڭ دەموكراتيالىق مايدانى» (س د م) وپپوزيتسيالىق قوزعالىسىنىڭ وكىلدەرى استاناداعى كەلىسسوزدەرگە قاتىسۋعا دايىن، دەپ حابارلادى بەيسەنبى كۇنى ر ي ا نوۆوستيگە س د م باس حاتشىسى ماحمۋد مەري.
«مايدان ۆەنالىق كەلىسىمشارتتار نەگىزىندەگى اشىق كەلىسسوزدەردى، 2254 رەزوليۋتسياسى مەن ماسكەۋدەگى سوڭعى مالىمدەمەسىن قولدايدى»، - دەدى اگەنتتىكتىڭ سۇحبات بەرۋشىسى. مەري س د م- نىڭ استاناداعى كەلىسسوزدەرگە شاقىرتۋدى ازىرگە الماعانىن اتاپ ءوتتى.
باس حاتشى ءوزىنىڭ جۇمىس ساپارىمەن كايردە جۇرگەندىگىن، ەلدىڭ س ءى م- ىمەن كەزدەسۋگە كەلگەندىگىن ايتتى. «ەگيپەتپەن بايلانىس ورناتۋ ماقساتىندا كەزدەسۋدەمىن. ەگيپەتتىڭ ساياسي رەتتەۋدە ماڭىزدى ءرول وينايتىنى بارشاعا ءمالىم»، - دەدى مەري. «سيريانىڭ دەموكراتيالىق مايدانىنىڭ» قۇرىلعانى تۋرالى اعىمداعى جىلدىڭ 26 -جەلتوقسان كۇنى جاريالاندى. مەري بۇل قوزعالىستىڭ ءبىرقاتار ىشكى وپپوزيتسيا پارتيالارىنىڭ وداعىنان قۇرىلعاندىعىن ايتتى.
