الماتىدا بيزنەسمەندەرگە ءوزىن سالىق قىزمەتكەرىمىن دەپ تانىستىرعان الاياق ۇستالدى
جەدەل- ىزدەستىرۋ ءىس-شارالارى بارىسىندا الماتى قالاسىنداعى جەكە كاسىپكەرلەردىڭ قارجىلارىن بىرنەشە رەت جىمقىرعان اجىبەكوۆ نۇرجان ءشامىل ۇلى ەكەندىگى انىقتالدى.
ول سارى اعاشتا تۋعان، ۋاقىتشا جۇمىسسىز، بۇرىن ۇرلىق جانە الاياقتىق جاساعانى ءۇشىن سوتتالعان. 29 جاستاعى اجىبەكوۆ قاراشا ايىنان جەلتوقسانعا دەيىن ءوزىن سالىق ورگانىنىڭ قىزمەتكەرى رەتىندە تانىستىرىپ، بىرنەشە رەت الاياقتىق جولمەن اقشا العان.
ياعني، «سالىق تەكسەرىسى بولمايدى جانە بولاشاقتا قىزمەتتىك جاعىنان قولداۋ بىلدىرەمىن» دەگەن جالعان سوزدەرىمەن الماتى كاسىپكەرلەرىنىڭ قارجىلارىن (30 مىڭنان 50 مىڭعا دەيىن) يەمدەنگەن. سونىمەن قاتار، بۇل اقشالار الماتى بويىنشا م ك د باسشىلىعى ءۇشىن جينالىپ جاتقانىن ايتقان. قازىرگى تاڭدا وسى دەرەكتەر بويىنشا اجىبەكوۆتىڭ باسقا دا الاياقتىق ىستەرگە قاتىسى بار-جوعىن انىقتاۋعا باعىتتالعان ىزدەستىرۋ ءىس- شارالارى جۇرگىزىلۋدە.
