الەپپولىق سابىنشى كونە ءداستۇردى جاڭعىرتۋدى قولعا الدى

استانا. قازاقپارات - پاريجدە الەپپولىق سابىنشى سيريانىڭ كونە ءداستۇرىن جاڭعىرتۋدى قولعا الدى. سوعىس ءورتى شارپىعان ءوز ەلىنەن قاشقان حاسان حاراستاني فرانسيا استاناسىنا لاۆر سابىنىن جاساۋدىڭ قۇپياسىن دا الا كەلىپتى.

ول الەپپونى قاتتى سابىننىڭ وتانى دەپ سانايدى. ءبىراق ەجەلگى كاسىپتىڭ قىر- سىرى سيرياداعى ازاماتتىق سوعىستىڭ كەسىرىنەن ۇمىت بولا باستاعان. حاراستاني 2 جىلدان بەرى بايىرعى ءادىستىڭ نەگىزىندە سابىن، سۋسابىن، ەمدىك جاقپا مەن ماي ءوندىرىپ كەلەدى. تاڭسىق تاۋاردى ساتىپ الۋشىلار وتە كوپ كورىنەدى. بىلتىر بۇل ساۋدادان 2 جارىم ميلليون ەۋرو پايدا تاۋىپتى.

 حاسان حاراستاني، سابىنشى:

- بۇل - كونە كاسىپتىڭ ءبىر ءتۇرى. ونى جاساۋ تەحنولوگياسى 3 مىڭ جىلدان بەرى ەش وزگەرمەي، ۇرپاقتان ۇرپاققا جالعاسىپ كەلەدى. سابىننىڭ قۇرامىنا ءزايتۇن، لاۆر مايى، سۋ مەن سودا قوسىلادى. بۇدان بولەك، وزىنە ءتان قۇپيا سىرلارى بار.

www.24.kz