قاڭتار ءولىم-ءجىتىم كوپ بولاتىن اي رەتىندە بەلگىلەندى
وسى كەزەڭدە ءاردايىم ءولىم وقيعالارىنىڭ ءورشۋى تىركەلەدى. بىرىنشىدەن، جىل باسى - پسيحيكا ءۇشىن ءارقاشان اۋىر سىناق بولىپ تابىلادى.
ونىمەن قوسا، قاڭتاردا جىلدىڭ ەڭ دەپرەسسيۆتى كۇنى بار - ول ايدىڭ ءۇشىنشى دۇيسەنبىسى، دەپ حابارلايدى قازاقپارات روسبالت-قا سىلتەمە جاساپ.
سونداي-اق، ءولىم-جىتىمگە اۋا رايى مەن يممۋنيتەت ىقپال ەتەدى. ونىمەن قوسا، كوپتەگەن ناۋقاس ادامدار تۋعان-تۋىستارىمەن مۇمكىن سوڭعى رەت قاۋىشۋ ءۇشىن جانە ولارمەن مەرەكەنى سوڭعى رەت اتاپ ءوتۋ ءۇشىن جاڭا جىلعا دەيىن «شىداۋعا» تىرىسادى.
جالپى، جاڭاجىلدىق مەرەكەلەر - ءار ادامعا، ءتىپتى دەنساۋلىعى مىقتى جاندار ءۇشىن سىناق، دەپ مالىمدەدى مەلبۋرن ۋنيۆەرسيتەتىنىڭ عالىمدارى.
ولار ادامداردىڭ كۇتىنىپ، الكوگولدى ىشىمدىكتەردى جانە مايلى تاعامداردى شامادان تىس پايدالانباۋعا شاقىرۋدا. ونىمەن قوسا، جاڭا جىل كۇندەرى كوپتەگەن دارىگەرلەر دە دەمالاتىندىعىن، سوعان سايكەس، مەديتسينالىق كومەك دەر ۋاقىتىندا كورسەتىلمەۋى مۇمكىندىگىن ەسكە سالادى.
