ەردوعان استاناداعى سيريا بويىنشا كەلىسسوزدەرگە قاتىسۋى مۇمكىن تاراپتاردى اتادى
بۇعان دەيىن پرەزيدەنت پۋتين تۇرىك كوشباسشىسى تايىپ ەردوعانمەن سيريادا قاقتىعىسۋشى تاراپتارعا استانادا جاڭا الاڭدا بەيبىت كەلىسسوز ۇدەرىسىن جالعاستىرۋدى ۇسىنۋ جايلى ۋاعدالاسقانىن حابارلاعان.
ونىڭ ايتۋىنشا، بۇل جەنيەۆا كەلىسسوزدەرىن تولىقتىرادى. قازاقستان پرەزيدەنتى نۇرسۇلتان نازاربايەۆ پۋتين جانە ەردوعانمەن تەلەفون ارقىلى سويلەسۋ بارىسىندا بۇل باستامانى قولداپ، قازاقستان ەلورداسىندا مۇنداي كەلىسسوزدەر جۇرگىزۋ ءۇشىن قاجەتتى جاعداي جاساۋعا دايىن ەكەنىن مالىمدەدى.
«ءبىز مۇنداي باستاماعا قارسى ەمەسپىز. بۇل ماسەلە س ءى م دەڭگەيىندە قارالۋدا. استاناعا سيريالىق وپپوزيتسيانىڭ وكىلدەرى، سونداي-اق رەسەي، تۇركيا، يران، ساۋد ارابياسى جانە كاتاردىڭ وكىلدەرى شاقىرىلۋى مۇمكىن. كاتار مەن ساۋد ارابياسىنىڭ استاناداعى سامميتكە قاتىسۋى تۇركيا ءۇشىن ماڭىزدى. ءبىز قازاقستانعا تەرروريستىك ۇيىمداردىڭ وكىلدەرىن شاقىرۋ جونىندەگى ۇسىنىستى قولدامايمىز»، - دەدى ەردوعان انكارادا وتكەن باسپا ءسوز ءماسليحاتى كەزىندە، دەپ حابارلايدى رەسەيلىك «ر ي ا نوۆوستي» اگەنتتىگى.
تۇركيا پرەزيدەنتى جەنيەۆاداعى سيرياعا قاتىستى كەلىسسوزدەردىڭ ناتيجەسىزدىگىن ءمالىم ەتتى. ونىڭ ايتۋىنشا، پۋتين «جەنيەۆالىق ۇدەرىستىڭ» ىسكە اسپاۋىنا بايلانىستى استانادا سيرياعا قاتىستى حالىقارالىق كەزدەسۋ وتكىزۋ تۋرالى باستاما كوتەرگەنىن اتاپ ءوتتى.
