كەيكى باتىردىڭ باسىنا جەتى جەردەن اۋىر سوققى تيگەن - نۇرسان ءالىمباي
دەپ حابارلايدى قازاقپارات.
«باتىردىڭ باس سۇيەگى قاتتى زاقىمدانۋى سالدارىنان ءمۇسىندى جاساۋ قيىنعا ءتۇستى. انتروپولوگتاردىڭ ايتۋى بويىنشا، سوققى جەتى جەردەن تيگەن ەكەن، وسى رەتتە سول جاق بولىگى مەن شۇيدەسى وپىرىلىپ قالعان. سونىمەن قاتار الدىڭعى تىستەرى تۇگەل تالقاندالعان. مۇرىن سۇيەگىنە دە قاتتى زاقىم كەلەن. وسى ورايدا پلاستيكالىق انتروپولوگيالىق كەلبەتىن جاساعان كەزدە قيىندىق تۋعىزاتىنى ءسوزسىز. ءبىراق، قازىرگى تەحنولوگيالار باس سۇيەكتى قالپىنا كەلتىرۋگە قاۋقارلى»، - دەد ءالىمباي.
عالىمنىڭ سوزىنە قاراعاندا، ماجار ماماندارى ەكى اي بويى وزدەرىنىڭ جۇمىستارىن ىسىرىپ قويىپ، ەلىمىزدىڭ ءوتىنىشى بويىنشا باتىردىڭ باس سۇيەگىمەن اينالىستى.
ەسكە سالا كەتسەك قازان ايىنىڭ باسىندا ماجارستاندا كەيكى باتىردىڭ باس سۇيەگىن قالپىنا كەلتىرۋ جۇمىستارى باستالعان بولاتىن. ۆەنگريانىڭ جاراتىلىستانۋ عىلىمدارى مۋزەيىنىڭ انتروپولوگيالىق بولىمىنە جەتەكشىلىك ەتەتىن اگنەش كۋشتار كەيكى باتىردىڭ باس سۇيەگىن قالپىنا كەلتىرۋ جۇمىستارىن ءوز باسشىلىعىنا العان ەدى.
اۆتور: رۋسلان عابباسوۆ
