تۇرعىن ۇيگە دەگەن باعا ەڭ تومەن قالالار بەلگىلى بولدى
باعا يندەكستەرى تۇراقتى قاداعالانىپ وتىراتىن 10 ەلدى مەكەننىڭ ىشىندە ەڭ ۇزدىك بەستىككە وبلىس ورتالىقتارى كىردى. وندا ءار تۇرعىن ءۇيدىڭ شارشى مەترى 200 مىڭ تەڭگەدەن تومەن، دەپ جازادى Krisha.kz.
بەسىنشى ورىندا ورال قالاسى تۇر. مۇندا جەلتوقسان ايىندا ورتاشا ۇسىنىس شارشى مەترىنە 183 مىڭ تەڭگەنى قۇرادى. مۇنداي كورسەتكىش نارىقتا تۇرعىن ءۇي باعاسىنىڭ 12-ايدا 21 پايىزدىق تومەندەۋ كورسەتكىشىنەن سوڭ قالىپتاستى.
بەسىنشى ورىندا ورال قالاسى تۇر. مۇندا جەلتوقسان ايىندا ورتاشا ۇسىنىس شارشى مەترىنە 183 مىڭ تەڭگەنى قۇرادى. مۇنداي كورسەتكىش نارىقتا تۇرعىن ءۇي باعاسىنىڭ 12-ايدا 21 پايىزدىق تومەندەۋ كورسەتكىشىنەن سوڭ قالىپتاستى. 2016-جىلدىڭ قاڭتار ايىندا تۇرعىن ءۇيدىڭ 1 شارشى مەترى ورتاشا العاندا 232400 تەڭگە تۇرعان بولاتىن.
بۇل قازىرگى باعادان 49 مىڭ تەڭگەگە قىمبات. ءتورتىنشى ورىندا وسكەمەن قالاسى تۇر. وندا باعا يندەكسى جەلتوقساندا شارشى مەترىنە 177 مىڭ تەڭگەگە ارزاندادى. ش ق و- نىڭ اكىمشىلىك ورتالىعى ءبىر جىل بۇرىن رەيتينگتىڭ بەسىنشى ورنىنا تۇراقتاعان بولاتىن.
بۇل قالادا قاڭتار ايىندا تۇرعىن ءۇيدىڭ شارشى مەترى 26 پايىزعا جۋىق قىمبات، ياعني 238675 تەڭگە بولعان ەدى. پەتروپاۆل قالاسى 4-ورىنعا تۇراقتادى. بۇل قالادا تۇرعىن ءۇيدىڭ شارشى مەترى 173 مىڭ تەڭگە تۇرادى.
وسىعان دەيىن بۇل ەلدى مەكەن تۇرعىن ءۇيى ەڭ ارزان ايماقتاردىڭ بىرىنەن سانالاتىن. قاڭتار ايىمەن سالىستىرعاندا باعا 23 پايىزعا نەمەسە 53 مىڭ تەڭگەگە ارزاندادى. ەكىنشى ورىندا تاراز قالاسى تۇر.
بۇل قالادا جەلتوقسان ايىنداعى باعا يندەكسى شارشى مەترىنە 161,1 مىڭ تەڭگە بولدى. بۇل باعا 30 پايىزدىق تومەندەۋ كورسەتكىشىنەن سوڭ قالىپتاستى. ياعني جىل سوڭىندا تۇرعىن ءۇيدىڭ شارشى مەترىنىڭ كولەمى 71 مىڭ تەڭگەگە ارزاندادى. رەيتينگتىڭ كوشىن اقتوبە قالاسى باستاپ تۇر. وندا ۇسىنىس يندەكستەرى 161 مىڭ تەڭگەگە تەڭ.
ايتا كەتەتىن ماسەلە - بۇل قالا وسىعان دەيىن 3-ورىندا تۇرعان بولاتىن. الايدا، تۇرعىن ءۇي نارىعىنىڭ 32 پايىزعا تومەندەۋىنە بايلانىستى اقتوبە وبلىسىنىڭ اكىمشىلىك ورتالىعى ءوزىنىڭ پوزيتسياسىن السىرەتتى.
