يزرايل ب ۇ ۇ- مەن قاتىناسىن قايتا قاراماق
بۇل تۋرالى سەنبى كۇنى مالىمدەگەن يزرايل پرەمەر- ءمينيسترى بينيامين نەتانياحۋ ب ۇ ۇ- نىڭ يزرايلگە «قاستىق پيعىلداعى» بەس قۇرىلىمىنىڭ بيۋدجەتىنە جارنا تولەۋدى دوعارۋدى بۇيىرعانىن ايتقان. ول قانداي قۇرىلىمدار ەكەنىن نەتانياحۋ ناقتىلاماعان.
يزرايل ۇكىمەت جەتەكشىسى سونىمەن بىرگە ب ۇ ۇ قاۋىپسىزدىك كەڭەسىندە قاراردى داۋىسقا قويعان كەزدە قالىس قالعانى ءۇشىن ا ق ش- تى سىناعان. بۇعان دەيىن ا ق ش يزرايلگە حالىقارالىق ديپلوماتيالىق قىسىم جاساۋ ماقساتىمەن ۇسىنىلعان قۇجاتتارعا قارسىلىق ءبىلدىرىپ، ۆەتو قويىپ كەلگەن.
جەلتوقساننىڭ 23- كۇنى ب ۇ ۇ قاۋىپسىزدىك كەڭەسى يزرايلدەن ەۆرەي قونىستارىن كەڭەيتۋدى تالاپ ەتكەن قارار قابىلداعان. قۇجاتتى ب ۇ ۇ قاۋىپسىزدىك كەڭەسىنىڭ 14 مۇشەسى قولداپ داۋىس بەرگەن، ا ق ش قالىس قالعان.
ب ۇ ۇ 1979 -جىلدان بەرى العاش رەت ەۆرەي قونىستارى ماسەلەسى بويىنشا قارار قابىلداپ وتىر.
يزرايل پرەمەر- ءمينيسترى بينيامين نەتانياحۋ پالەستين جەرىندە ەۆرەي قونىستارىن سالۋدى دوعارۋدى تالاپ ەتكەن ب ۇ ۇ قارارىن «ماسقارا» دەپ اتاعان. ول الگى تالاپتى ورىندامايتىنى تۋرالى مالىمدەگەن.
AFP اگەنتتىگىنىڭ حابارلاۋىنشا، ب ۇ ۇ قارارىندا «يزرايل باسىپ العان تەرريتوريا» رەتىندە يەرۋساليمدەگى كوپتەگەن ەۆرەي كۆارتالدارىنىڭ اتالۋى يزرايلدىڭ نارازىلىعىن تۋدىرعان.
