اقتوبەدە باۋىر اۋىستىرۋ وپەراتسياسى ءساتتى ءوتتى
اكەسىنە باۋىرىنىڭ جارتىسىن ءبولىپ بەرگەن ۇلىنىڭ دا جاعدايى ءبىرقالىپتى. بىرنەشە كۇن بۇرىن كۇردەلى وپەراتسيا جاساتقان جولدىباي سيمانوۆتىڭ جاعدايى جاقسارىپ كەلەدى. ول وسىدان 2 اي بۇرىن ومىردەن كۇدەرىن ۇزگەن ەدى.
باۋىر سەرروزى اسقىنىپ، ءبىر كۇندە جانساقتاۋ بولىمىنە تۇسەدى. كەنجە ۇلى ەركەبۇلان اكەسىنە دونور بولعىسى كەلەتىنىن ايتادى. قاجەتتى ساراپتاما جاسالىپ، ولاردى وپەراتسياعا دايىندايدى. اقتوبەگە شەبەرلىك ساعاتىن وتكىزۋگە ءجيى كەلەتىن وڭتۇستىك كورەيالىق حيرۋرگتەر ەل تاۋەلسىزدىگىنىڭ 25 جىلدىعىنا وراي وپەراتسيانى تەگىن جاسادى.
اقجان سيمانوۆا، ج. سيمانوۆتىڭ جۇبايى:
- ءبىر ۇيدەن ءبىر ەمەس، ەكى ادام وپەراتسياعا جاتىپ جاتقاندا قاتتى قورىقتىم، تۇنىمەن ۇيىقتاماي شىقتىم. دارىگەرلەرگە سەندىك. جانۇيامنىڭ تۇگەل بولعانىنا ۇلكەن العىسىم بار ايتاتىن.
ترانسپلانتولوگيا وپەراتسياسىنىڭ قيىندىعى سوندا وپەراتسيا ۇستەلىندە 2 سىرقات جاتادى، بىرنەشە بىلىكتى حيرۋرگ قاتىسادى. كورەيالىق ماماندار جەرگىلىكتى دارىگەرلەرمەن بىرلەسە جۇمىس جاسادى. وبلىستىق كوپسالالى اۋرۋحانانىڭ حيرۋرگتەرى ءجانادىل ءالمىرزا ۇلى مەن ەرماحان اسىلحان ۇلى ءدال وسى ترانسپلانتولوگيا سالاسىندا ماشىقتانىپ ءجۇر. ەكەۋى دە شەتەلدەردە تاجىريبە جيناپ كەلگەن.
سوڭعى 2 جىل ىشىندە وسى وپەراتسياعا قاتىساتىن ماماندار دايارلاندى. ولار قازىرگى تاڭدا بارلىق بريگادا قالىپتاستى. بارلىعى كورەيا، بەلارۋس، باسقا دا شەتەلدەردەن وقىتىلىپ، بىلىكتىلىكتەرىن ارتتىردى. ترانسپلانتولوگيا وپەراتسيالارى باتىس وڭىردە تەك اقتوبەدە جاسالادى. 2014 -جىلى العاش رەت بۇيرەك اۋىستىرۋ وپەراتسياسى ءساتتى ءوتتى. سوڭعى 2 جىلدا 17 ادامنىڭ بۇيرەگى الماستىرىلدى. باۋىر ترانسپلانتولوگياسى بيىلدان باستاپ قولعا الىندى. 6 سىرقاتقا تۋىسى دونور بولىپ، وپەراتسيا جاسالدى.
www.24.kz
