رەسەيدىڭ اسكەري ۇشاعى قارا تەڭىزگە قۇلاعان

استانا. قازاقپارات - ر ف قورعانىس مينيسترلىگىنىڭ سوچي ماڭىندا جوعالعان تۋ-154 ۇشاعى قارا تەڭىزگە تەڭىز جاعاسىنان 1,5 شاقىرىم قاشىقتىققا قۇلاعان، سىنىقتارى تابىلدى، دەپ حابارلايدى ر ي ا نوۆوستي قارۋلى كۇشتەر دەرەككوزىنە سىلتەمە جاساپ.

 «ۇشاق قارا تەڭىزگە تەڭىز جاعاسىنان 1,5 شاقىرىم قاشىقتىققا قۇلاعان، سىنىقتارى تابىلدى»، - دەپ مالىمدەگەن اگەنتتىكتىڭ دەرەككوزى.

 اۋە كەمەسىنىڭ قالدىقتارىن سوچي جاعاسىنان 1,5 شاقىرىم قاشىقتىقتا 50-70 مەتر تەرەڭدىكتەن تاپتى، دەپ حابارلادى رەسەي قورعانىس مينيسترلىگىنىڭ باسپا ءسوز قىزمەتى. جاعادان بەس جارىم قاشىقتىقتا اپاتقا ۇشىراعان ادامدارعا تيەسىلى جەكە زاتتار تابىلدى. اپاتتان كەيىن ۇشۋ ەرەجەلەرىنىڭ ساقتالماۋى بويىنشا قىلمىستىق ءىس قوزعالدى. بۇرىن ءمالىم بولعانداي، تۋ-154 ادلەر ايرودرومىنان ۇشىپ شىققان سوڭ راداردان جوعالىپ كەتكەن. بورتتا 83 جولاۋشى، سونىڭ ىشىندە الەكساندروۆ اتىنداعى انسامبل ارتىستەرى مەن رەسەيلىك ب ا ق- تىڭ توعىز وكىلى جانە ەكيپاجدىڭ 8 مۇشەسى بولعان.