الەم چەمپيوناتىنىڭ كۇمىس جۇلدەگەرى نۇرلان بەكجانوۆقا جەرلەستەرى بەس بىردەي تۇلپار تارتۋ ەتتى
دەپ حابارلايدى قازاقپارات ءتىلشىسى.
ن. بەكجانوۆتى وسىناۋ ۇلكەن تابىسىمەن اۋدان اكىمى ابات شىنىبەكوۆ قۇتتىقتاپ، ونىڭ بۇل جەڭىسى كەيىنگى جاس جەتكىنشەكتەرگە دە جۇعىستى بولسىن دەگەن يگى تىلەگىن ءبىلدىرىپ، يىعىنا شاپان جاۋىپ، استىنا ات مىنگىزدى. اتاقتى پالۋان، ەركىن كۇرەستەن ك س ر و چەمپيوناتىنىڭ جۇلدەگەرى، كوپتەگەن جارىستاردىڭ جەڭىمپازى سايلاۋ مۇقاشيەۆتىڭ شاكىرتى باۋىرجان بەگايداروۆ تا قازىرگى تاڭدا قازاق سپورتىنىڭ تۋىن بيىككە كوتەرىپ جۇرگەندەردىڭ ءبىرى نۇرلان بەكجانوۆقا شاپان جاۋىپ، تۇلپار تارتۋ ەتتى. سىرىمدىقتار قازاق پالۋاندارى اراسىندا الەم چەمپيوناتىنىڭ فينالىندا تۇڭعىش ونەر كورسەتكەن ن. بەكجانوۆقا بارلىعى بەس ارعىماق سىيلادى.
جەرلەستەرىنىڭ ىقىلاس- پەيىلىنە ريزا بولعان پالۋان الداعى ۋاقىتتا دا قازاق ەلىنىڭ نامىسىن ءىرى دودالاردا قورعاي بەرەتىنىن جەتكىزدى.
ايتا كەتەيىك، بۇلدىرتى اۋىلىندا تۋىپ- وسكەن نۇرلان بەكجانوۆتىڭ العاشقى باپكەرى اسقار ساۋكەلين بولسا، استانا قالاسىنداعى قازىرگى جاتتىقتىرۋشىسى - اسقار ابدىراشيەۆ.
