08:49, 24 - جەلتوقسان 2016 | GMT +5
ەرلان ىدىرىسوۆ وزبەكستان پرەزيدەنتىمەن كەزدەستى
استانا. قازاقپارات - استانا مەن تاشكەنت قازاقستاننىڭ ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى ماسەلەسىندە ءوزارا تىعىز ارەكەتتەسۋگە ۋاعدالاستى، دەپ حابارلايدى قازاقپارات قازاقستاندىق ۆەدومستۆونىڭ باسپا ءسوز قىزمەتىنە سىلتەمە جاساپ.
23 -جەلتوقسان كۇنى ق ر سىرتقى ىستەر ءمينيسترى ەرلان ىدىرىسوۆ تاشكەنتكە جاساعان جۇمىس ساپارى بارىسىندا وزبەكستان پرەزيدەنتى شاۆكات ميرزيەيەۆتىڭ قابىلداۋىندا بولىپ، وزبەكستاندىق ارىپتەسى ابدۋلازيز كاميلوۆپەن كەلىسسوزدەر وتكىزدى. «وزبەكستانداعى پرەزيدەنتتىك سايلاۋدان كەيىن وسىناۋ جوعارى دەڭگەيدە ەكىجاقتى قارىم- قاتىناستار ءۇشىن العاشقى بولعان كەزدەسۋلەردىڭ نەگىزگى تاقىرىپتارى ەكىجاقتى قارىم-قاتىناستى بەلسەندىرۋ جانە ورتالىق ازيا ءوڭىرىنىڭ تۇراقتىلىعى مەن قاۋىپسىزدىگىنە تونگەن قاۋىپ-قاتەرلەرگە بىرلەسىپ توتەپ بەرۋ بولدى»، - دەلىنگەن س ءى م حابارلاماسىندا.
