گولوۆكينمەن جەكپە-جەك وتكىزۋ مەن ءۇشىن اۋىر بولار ەدى - روي دجونس
كەزدەسۋ بارىسىندا ول گولوۆكين- دجەيكوبس جەكپە-جەگى تۋرالى جانە GGG مەن ءوزى قولعاپ تۇيىستىرسە قالاي بولاتىنى تۋرالى پىكىرىن ءبىلدىردى، - دەپ حابارلايدى Vesti.kz.
«قۇراما شتاتتارىندا ماعان كىم باسەكەلەس بولا الارىن بىلمەيمىن. مەن ءۇشىن الەمدە ايتارلىقتاي قاۋىپتى دەي الاتىن ەكى بوكسشى بار. مەنىڭشە، گولوۆكينمەن جەكپە-جەك وتە اۋىر بولاتىن ەدى.
گولوۆكينمەن رينگكە شىعاتىنداي دجەيكوبس سونشالىقتى مىقتى دەپ ويلامايمىن. گولوۆكين - سۋپەر كۇش. سوندىقتان گولوۆكيننىڭ كۇشىنە قارسى تۇرۋ ءۇشىن كەرەمەت داعدى كەرەك»، - دەپ اتاپ ءوتتى روي دجونس.
اڭىزعا اينالعان 47 جاستاعى بوكسشىعا قازاقى ويۋلارى بار بوكس شاپانى سىيعا تارتىلدى. كەزدەسۋ شەڭبەرىندە فوتوسەسسيا ءوتىپ، قولتاڭبا تاراتىلدى.
مۇنىڭ الدىندا روي دجونس قاراعاندىداعى قاز س س ر- ءدىڭ ەڭبەك سىڭىرگەن باپكەرى عالىم جارىلعاپوۆتى ەسكە الۋعا ارنالعان حالىقارالىق بوكس تۋرنيرىنىڭ اشىلۋىنا قاتىسقانى حابارلانعان. رينگتە ول ءوز كومپوزيتسياسىن ورىنداپ، قازاقستاندىق بوكسشىلاردى ويناتىپ جىبەرگەن ەدى. بۇل ونىڭ قازاقستانعا ەكىنشى رەت كەلۋى.
گولوۆكين-دجەيكوبس جەكپە-جەگى 2017-جىلدىڭ 18- ناۋرىزىندا نيۋ-يوركتەگى Madisson Square Garden ارەناسىندا وتەدى دەپ جوسپارلانعان.
