19:17, 23 - جەلتوقسان 2016 | GMT +5
اينۇر تۇرسىنبايەۆا: توقال الۋعا شوشىپ قاراۋدىڭ قاجەتى جوق
استانا. قازاقپارات - بەلگىلى اقىن اينۇر تۇرسىنبايەۆا توقال الۋ ماسەلەسىنە قاتىستى ءوز پىكىرىن ءبىلدىردى. ونىڭ ايتۋىنشا، توقال الۋ قازاق قوعامىندا دا، مۇسىلمان الەمىندە دە بار نارسە. سول سەبەپتى وعان ۇركىپ قاراۋدىڭ قاجەتى جوق.
«توقال الۋ قازاق قوعامىندا دا، مۇسىلمان الەمىندە دە بار نارسە. وعان شوشىنىپ قاراۋدىڭ قاجەتى جوق. ويتكەنى قوعامدا اشىق ايتىلماعانىمەن، ەكىنشى ايەل الىپ، ءومىر ءسۇرىپ جاتقاندار كوپ. ءبىزدىڭ ۇلى اباي اتامىزدىڭ ءوزى توقالدان تۋعان. قازاقتىڭ قوعامىنداعى بار نارسە. كەزىندە قاي اتا- بابامىز ءبىر ايەلمەن شەكتەلىپ قالدى؟ بارلىعى بىرنەشە وتباسىن بىرگە ۇستاپ وتىردى. قازاق ءوزىنىڭ قازاقتىعىنان قاشىپ جاتىر. اركىم ءوزىنىڭ جاعدايىنا، دەڭگەيگە قاراي ەسەپتەيتىن شىعار» ، - دەپ پىكىر ءبىلدىردى تۇرسىنبايەۆا.
stan.kz
