وڭتۇستىك كورەيانىڭ كونستيتۋتسيالىق سوتى ەل پرەزيدەنتىنە قاتىستى ءىستى باستادى

استانا. قازاقپارات - وڭتۇستىك كورەيانىڭ كونستيتۋتسيالىق سوتى ەل پەرزيدەنتى پاك كىن حەنىڭ ىسىنە قاتىستى پارلامەنت جاريالاعان يمپيچمەنتتى باستادى.

وعان «ءوزىنىڭ قۇربىسىنا ەل بيلىگىن بەرىپ، قىزمەتىن اسىرا پايدالاندى» دەگەن ايىپ تاعىلدى. كونستيتۋتسيالىق سوت ەڭ ءبىرىنشى 2014 -جىلعى قايىق اپاتى كەزىندە پرەزيدەنتتىڭ 7 ساعاتقا كەشىگۋىنىڭ سەبەبى نە ەكەنىن انىقتاماق. سول كەزدە 300 گە جۋىق ادام قازا تاپقان ەدى. مارقۇمداردىڭ دەنى وقۋشىلار بولاتىن.

ايتا كەتەيىك، 9 -جەلتوقساندا وڭتۇستىك كورەيا پارلامەنتى پرەزيدەنتتى قىزمەتىنەن بوساتۋدى قولداپ، داۋىس بەردى. اراعا 10 كۇن سالىپ وسى ىسكە قاتىستى العاشقى سوت وتىرىسى ءوتتى. وسىلايشا، پاك كىن حە ەل تاريحىندا توڭكەرىسسىز قىزمەتىنەن بوساتىلعان العاشقى مەملەكەت باسشىسى بولۋى مۇمكىن.

دەرەككوز: «حابار 24» تەلەارناسى.