قازاقستاننىڭ ەرەكشە دارىندى بالالارى
كەيبىرى ۇزاق كۇتكەن ارمانىنا تەك ەسەيگەن شاعىندا جەتەدى. ءبىراق قابىلەتتەرى بالالىق كەزدەرىندە-اق بىلىنە باستايتىن ادامدار دا بار. كەيدە ولاردى ءوز ىستەرىنىڭ نەبىر مايتالماندارى باسىپ وزا المايدى. ءتۇرلى سالالاردا وزدەرىنىڭ دانىشپاندىق قابىلەتتەرىمەن ەرەكشەلەنىپ جۇرگەن قازاقستاننىڭ ۆۋندەركيند بالالارىنىڭ بەستىگىن ۇسىنامىز.
دانيار قۇرمانبايەۆ
دانيار كەز كەلگەن ساندارمەن ماتەماتيكالىق ەسەپتەردى كومپيۋتەرلىك جىلدامدىقپەن ويشا شىعارا الادى. ول YouTube-قا سالىنعان ۆيدەودان كەيىن تانىمال بولا باستادى. بەينەجازبادا توعىز جاستاعى دانيار ەرەسەك ادامنىڭ تاپسىرماسىمەن سانداردى ويشا قوسىپ، ازايتادى. بۇدان كەيىن ونى اندرەي مالاحوۆ پەن الەكساندر گوردون ءوز باعدارلامالارىنا شاقىرعان بولاتىن.
ءبيبىسارا اساۋبايەۆا
ون ەكى جاستاعى ءبيبىسارا كلاسسيكالىق شاحماتتان الەمنىڭ ءتورت دۇركىن چەمپيونى. شاحماتتا ونى سپورت شەبەرلەرى - ەرەسەك ەر ادامدار دا جەڭە المادى. ءبيبىسارانى شاحماتقا 4 جاسىندا اتاسى ۇيرەتكەن. سودان بەرى وقۋشى قىز بۇل ويىن تۇرىنە كۇنىنە 8 ساعات ارنايدى. ول 6 جاسىندا استاناداعى چەمپيوناتتا جاسى ۇلكەن قىز بالالارمەن ويناپ، ءبىرىنشى ورىندى يەلەنگەن بولاتىن.
جانسايا ابدىمالىك
جانسايانىڭ جاسى - 16-دا. ول تورتكۇل دۇنيەگە «شاحمات حانشايىمى» ءارى الەمدەگى ەڭ جاس گروسسمەيستەر قىز رەتىندە تانىمال. جانسايا 6 جاسىندا الماتىداعى بىرىنشىلىكتى ۇتىپ، ءبىر جىلدان كەيىن ەل چەمپيونى بولدى. ءسال كەيىنىرەك ازيا جانە الەم چەمپيونى اتاندى. 2013 -جىلى FIDE ازيالىق فەدەراتسياسى جانسايا ابدىمالىكتى 20 جاسقا دەيىنگى ازيانىڭ ەڭ ۇزدىك شاحماتشىسى دەپ تانىدى.
جامبىل دۇيسەنوۆ
بۇگىنگى كۇنى جامبىل دۇيسەنوۆ كوپتەگەن اقىنداردىڭ سۇيىسپەنشىلىگى مەن قۇرمەتىنە بولەنىپ وتىر. ۇلى اقىن جامبىلدىڭ ەسىمىن ارقالاعان جاس دارىننىڭ ولەڭدەرى جالىنداپ تۇر. 9 جاسىندا ونىڭ «پەرىشتە تىلەك» اتتى جيناعى جارىققا شىقتى. 2 جاسىندا ول بارلىق ارىپتەردى جاتقا ءبىلدى، ال بەس جاسىندا اتا- اناسىنا ارناپ ولەڭ جازا باستادى. جامبىل ەرتە جاسىنان گازەتتەر مەن جۋرنالداردى وقۋعا قىزىعۋشىلىق تانىتتى.
الديار بوجبانوۆ
جاس دارىن. كوپتەگەن بالالار كومپيۋتەرلىك ويىنداردا جاڭا دەڭگەيلەردى باعىندىرۋمەن اينالىسىپ جاتقاندا، قاراعاندىلىق وقۋشى بالا «جاسىل» ەكونوميكا بويىنشا جاڭا جوبالار ءۇشىن يدەيالار ويلاپ تابۋدا. ەكو- قالاشىق، جەل- كۇن ەلەكترستانسىسى جانە امبەباپ قۋاتتاندىرۋ قۇرالى - مۇنىڭ بارلىعى الديار ويلاپ تاپقان جوبالار. ول 6-سىنىپتا ارنايى قۇرىلعىنىڭ كومەگىمەن ورگانيكالىق قالدىقتاردى گازعا اينالدىرۋدى جانە ودان جىلۋ مەن ەلەكتر جارىعىن ءوندىرۋدى ۇيرەندى. الديار مەكتەپكە 4 جاسىندا باردى. ول ءوزىنىڭ بارلىق يدەيالارى وندىرىستىك قولدانىسقا ەنەتىنىنە ءۇمىتتى.
دەرەككوز: catch.today
