07:10, 23 - جەلتوقسان 2016 | GMT +5
ماسكەۋدەگى ستاليننىڭ نەمەرەسى كوشەدە ءجۇرىپ كوز جۇمدى
استانا. قازاقپارات - ماسكەۋدە 81 جاسقا قاراعان شاعىندا كەڭەستىك كوسەم يوسيف ستاليننىڭ نەمەرەسى ەۆگەني دجۋگاشۆيلي دۇنيەدەن وزدى، دەپ حابارلايدى قازاقپارات "كومسومولسكايا پراۆداعا" سىلتەمە جاساپ.
ەۆگەني دجۋگاشۆيليدى قوعامدىق كولىك ايالداماسىنان تاپقان. انىقتالعانداي، ەسىنەن تانىپ قۇلاعان ەر ادام جەدەل جاردەم كولىگى جەتكەنشە كوز جۇمعان. ە. دجۋگاشۆيلي 1936 -جىلى 10 -قاڭتاردا يوسيف ستاليننىڭ ۇلكەن ۇلى ياكوۆ دجۋگاشۆيليدىڭ وتباسىندا دۇنيەگە كەلگەن. اسكەري عالىم، سونداي-اق رەسەيلىك، گرۋزيندىك قوعام جانە ساياسات قايراتكەرى بولعان. ول رەسەي مەن گرۋزيانىڭ ازاماتتىعىنا يە ەدى جانە ماسكەۋ مەن تبيليسيدە تۇرعان. ءوزىنىڭ اتاسى يوسيف ستاليننىڭ ار-نامىسىن قورعاۋ ماقساتىندا سوت پروتسەستەرىنە قاتىسۋشى رەتىندە كەڭ تانىمالدىلىققا يە بولدى. سونداي-اق ستالين تۋرالى ءبىرقاتار فيلمگە ءتۇستى.
