اقتاۋ ستۋدەنتتەرىنە توتەنشە جاعداي كەزىندە امان قالۋ امالدارى ۇيرەتىلدى

اقتاۋ. قازاقپارات - اقتاۋدا ستۋدەنتتەر مەن مەكتەپ وقۋشىلارى ينتەراكتيۆتىك ساباق كەزەڭىن اياقتادى.

بۇل ساباقتار ءارتۇرلى ت ج كەزىندە ارنايى دايىندىق ارەكەتتەرىنە باعىتتالعان. قازىرگى تاڭدا ءتۇرلى جاستاعى 24 مىڭنان استام ءبىلىم الۋشى اتالمىش كۋرستان ءوتتى، دەپ حابارلايدى «قازاقپارات» ح ا ا ءتىلشىسى. ت ج دەپارتامەنتى مەكتەپ وقۋشىلارىنا ارنالعان ينتەراكتيۆتىك ساباقتاردى 2009 -جىلدان بەرى 7 جىل قاتارىنان وتكىزىپ كەلەدى. ءبىر جىلدا ءتۇرلى مەكتەپتەردەگى 24 مىڭ 355 مەكتەپ وقۋشىسىنا وتكىزىلدى. ال، ستۋدەنتتەرگە ارنالعان ارنايى دايىندىقتار بيىل العاش رەت بولدى.

«ساباقتاردى ماڭعىستاۋ وبلىستىق ت ج د قىزمەتشىلەرى، اپاتتىق مەديتسينا ورتالىعىنىڭ ماماندارى جۇرگىزدى. مۋلتيمەديالىق قۇرالدار، مەديتسينالىق وقۋ مانەكەندەرى قولدانىلدى. ءبىلىم الۋشىلار العاشقى مەديتسينالىق كومەك بەرۋدى ۇيرەندى. جەر سىلكىنىسى، مۇزدا جانە سۋدا وزدەرىن قالاي ۇستاۋ كەرەكتىگىن ۇعىندى»، - دەپ ايتتى ماڭعىستاۋ وبلىستىق توتەنشە جاعدايلار دەپارتامەنتى باسپا ءسوز قىزمەتىنىڭ مامانى گۇلنار قوجابەكوۆا. ول كۋرستىڭ باستى ماقساتى تەك قانا ۇيرەتىپ، اقپارات بەرىپ قانا قويماي، كوممۋنيكاتيۆتىك قابىلەتتەرىن ارتتىرىپ، العان بىلىمدەرىن پايدالانۋعا باعىتتالعانىن اتاپ ءوتتى. ش. ەسەنوۆ اتىنداعى كاسپي مەملەكەتتىك تەحنولوگيا جانە ينجينيرينگ ۋنيۆەرسيتەتىنىڭ 85 ستۋدەنتى كۋرستى مەڭگەرگەن. كەلەسى جىلى ستۋدەنتتەرمەن جۇمىس جالعاسىن تابادى.