بۇرىنعى قورعانىس ءمينيسترى الماتى وبلىسىنداعى ۇشاق اپاتىنىڭ بولجامدى سەبەبىن ايتتى
دەپ حابارلايدى قازاقپارات.
ۇشاق قوزعالتقىشىنىڭ ەكەۋى قاتار توقتاپ قالعان، بۇرىنعى كەزبەن سالىستىرساق بولمايتىن جاعداي دەۋگە بولادى. بۇل جەردە ۇشقىشتىڭ ەرلىگىن ايتۋ كەرەك. ەكى قوزعالتقىش توقتاعاندا، ساسپاي، ۇشاقتى ەلدى مەكەنىڭ ۇستىنەن الىپ كەتكەن. باسقارۋ ىستەمەي قالعاننان كەيىن ۇشاقتى تاستاپ، سەكىرگەن. ەرەجەگە ساي دۇرىس ارەكەت ەتكەن. ول امان قالدى»، - دەيدى م. التىنبايەۆ.
سەناتوردىڭ ايتۋىنشا، اۋە اپاتىنا جانارماي نەمەسە جانارمايدى دايىنداعان كەزدە كەتكەن ولقىلىقتار سەبەپ بولۋى مۇمكىن. «ويتكەنى قىستا جانارماي باسقاشا دايىندالادى. وسى جۇمىس ءبارى جاسالدى ما، جوق پا - وسىنىڭ ءبارىن تەكسەرۋ كەرەك. ۇشاقتاردى دا، جانارمايدى دا تەكسەرۋ قاجەت»، - دەدى م. التىنبايەۆ.
سەناتور سونداي- اق، بۇل اسكەري ۇشاق ساقتاندىرىلدى ما، جوق پا دەگەن سۇراققا قاتىستى پىكىرىن ءبىلدىردى. «ساقتاندىرۋ جاعىن بىلمەيمىن، اسكەري ۇشاقتار ساقتاندىرىلماۋى دا ابدەن مۇمكىن. ول جاعىن ناقتى بىلمەدىم. جالپى، جويعىش ۇشاقتاردىڭ باعالارى ءارتۇرلى. جاڭا ۇشاق ونداعان ميلليون دوللار تۇرادى. ال مىنا قۇلاعان ۇشاقتاردىڭ شىققانىنا وتىز جىل بولعان شىعار. توزعان سياقتى. مەن ناقتى قانداي ۇشاق قۇلاعانىن بىلمەيمىن، ءبىراق، سۋ-27 بولسا، ولاردى ءبىز 1996 -جىلى اكەلگەنبىز. سودان بەرى 20 جىل ءوتتى، ونىڭ الدىندا 10 جىل قولدانىستا بولعان شىعار. سوندىقتان توزدى دەۋگە بولادى»، - دەدى م. التىنبايەۆ.
ەستەرىڭىزگە سالا كەتەيىك، 21 -جەلتوقساندا تۇنگى وقۋ- جاتتىعۋ كەزىندە سۋ-27 اسكەري ۇشاعى اپاتقا ۇشىرادى. ۇشاق تالدىقورعاننان شامامەن 25 شاقىرىم جەردە قۇلاعان. ۇشقىش مايور ادىلبەك ىسقاقوۆ بار مۇمكىندىگىن سالىپ، ۇشاقتى ەلدى مەكەننەن اۋلاققا الىپ كەتىپ، ءوزى كاتاپۋلتپەن سەكىرىپ كەتكەن.
اۆتور: كەنجەكەي توقتامۇرات قىزى
