ۆاشينگتوندىق وقۋشىلار ا ق ش- تاعى قازاقستان ەلشىلىگىن ارالادى
الدىمەن مۇنداعى 1888 - جىلى سالىنعان شەرمان حاۋس اتتى عيماراتىندا بولدى. ودان كەيىن قازاقستان تۋرالى بەينەروليك كورىپ، ەل تۋرالى اڭگىمەگە قۇلاق ءتۇردى.
بۇل شارا وزگە ەلدەردىڭ ەلشىلىكتەرىن ارالاۋ ارقىلى مادەنيەتىمەن تانىستىراتىن Embassy Adoption Program باعدارلاماسى اياسىندا وتكىزىلىپ وتىر. قازاقستان ەلشىلىگى دە ا ق ش استاناسىنداعى ءبىلىم بەرۋ مەكەمەلەرىنىڭ باعدارلاماسىنداعى وسى ءبىر جاڭاشىلدىققا قوسىلعان.
كەندرا، Leckie Elementary School باستاۋىش مەكتەبىنىڭ بەسىنشى سىنىپ وقۋشىسى:
- ماعان ەلشىلىكتىڭ عيماراتى ۇنايدى. مەن بۇرىن- سوڭدى مۇنداي ادەمى كەڭسەنى كورمەپپىن. مۇعالىمىمىز ستەفاني تومپسون حانىم بىزگە قازاقستان تۋرالى كوپ نارسە ايتتى. سىنىپتاعى وقۋشىلارعا قازاقستانداعى ادەمى جەرلەردىڭ سۋرەتىن دە كورسەتتى.
تريشا تەيلور، «ۆاشينگتون ورىنداۋشىلىق ونەر ورتالىعىنىڭ» اعارتۋ ءىسى جونىنەن مەنەدجەرى:
- Embassy Adoption Program باعدارلاماسىنىڭ اشىلعانىنا 42 جىل بولدى. باعدارلاما اياسىندا ۆاشينگتونداعى ديپلوماتيالىق ميسسيالار سىنىپتار اراسىندا ءبولىپ بەرىلەدى دە، وقۋ جىلى بارىسىندا وقۋشىلاردىڭ سول ديپميسسيا تيەسىلى ەل تۋرالى بايانداۋشى ءتۇرلى تانىمدىق شارالار وتكىزىلەدى. بيىل باعدارلاماعا 79 ەلشىلىك قاتىسىپ وتىر. بۇل مەيلىنشە جوعارى كورسەتكىش سانالادى. 5 پەن 6-سىنىپ وقۋشىلارىنىڭ وزگە ەلدەردى تانىپ- ءبىلۋىن باقىلاۋ ءبىز ءۇشىن ۇلكەن عانيبەت. بۇگىن ءبىز قازاقستانمەن جاقىنىراق تانىستىق جانە سىزدەرگە قوناقجايلىلىق ءۇشىن العىس ايتقىم كەلەدى.
اۆتور: م. ءابدىراحمانوۆا اۋدارعان: گ. ابيلوۆا
www.24.kz
