18:09, 21 - جەلتوقسان 2016 | GMT +5
ت م د- نى قۇرۋ تۋرالى كەلىسىمگە قول قويىلعان تاريحي كەزدەسۋ بەينەلەنگەن ۆيدەو جاريالاندى
استانا. قازاقپارات - اقوردانىڭ فەيسبۋكتەگى پاراقشاسىندا 1991 -جىلى 21 - جەلتوقساندا 11 ەلدىڭ باسشىلارى باس قوسقان تاريحي كەزدەسۋ تۋرالى ۆيدەو جاريالاندى.
«1991 -جىلى 21 - جەلتوقساندا مەملەكەت باسشىسى الماتى قالاسىندا قازاقستاندىق تاراپتىڭ باستاماشىلىق ەتۋىمەن وتكەن بۇرىنعى ك س ر و قۇرامىندا بولعان 11 مەملەكەت باسشىسىنىڭ كەزدەسۋىنە قاتىستى، - دەپ جازىلعان ۆيدەوعا قوسىمشا پىكىردە. - كەزدەسۋ قورىتىندىسى بويىنشا تاۋەلسىز مەملەكەتتەر دوستاستىعىن قۇرۋ تۋرالى حاتتاما مەن كەلىسىمگە؛ الماتى دەكلاراتسياسىنا؛ تاۋەلسىز مەملەكەتتەر دوستاستىعىنىڭ ۇيلەستىرۋشى ينستيتۋتتارى تۋرالى كەلىسىمگە؛ تاۋەلسىز مەملەكەتتەر باسشىلارى جينالىسى تۋرالى حاتتاماعا؛ تاۋەلسىز مەملەكەتتەر دوستاستىعى ەلدەرى باسشىلارى كەڭەسىنىڭ شەشىمىنە قول قويىلدى».
