ەير استانا بيلەتتەرى ارزاندايدى

استانا. قازاقپارات - ق ر ۇلتتىق ەكونوميكا مينيسترلىگى تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ ءتوراعاسى سەرىك جۇمانعارين «ەير استانا» اۋە كومپانياسىنا قاتىستى شەشىمگە تۇسىنىكتەمە بەردى، دەپ حابارلايدى قازاقپارات.

«وزدەرىڭىز دە بىلەتىندەي، تاياۋدا «ەير استاناعا» قاتىستى سايكەسىنشە تەرگەۋ بولدى. ناتيجەسىندە، اۋە كومپانياسى ناقتى ءبىر كۇنى سۇرانىسقا بايلانىستى وتە تومەن جانە وتە جوعارى باعا قولداناتىندىعى انىقتالدى. قازىر اۋە كومپانياسى ۇشۋ كۇنىندە ءبىرشاما جەڭىلدىكتەر جاريالاپ، «ەركىندىك» تاريفىن جاسادى. اۋە كومپانياسىنىڭ اۋىزشا سەندىرۋىنشە، كەلەسى جىلى ەڭ قىمبات بيلەتتەر 10 پايىزعا ارزاندايتىن بولادى. ويتكەنى، نارىقتى ۇنەمى جابىق ۇستاپ تۇرۋعا بولمايدى. ءسوز اشىق اۋە جايىندا بولىپ وتىر»، - دەدى ول.

جۇمانعاريننىڭ اتاپ وتۋىنشە، قازاقستان «ەكسپو-2017» كورمەسىن وتكىزۋ كەزەڭىندە «اشىق اۋە» ۇستانىمىن قولداناتىن بولادى. بۇل وزگە ەلدەردىڭ اۋە كومپانيالارىنا استاناعا ۇشىپ كەلۋگە مۇمكىندىك بەرەدى. «لوۋكەستەرلەر پايدا بولدى، نارىققا «پوبەدا» كىردى. لوۋكوستەرلەر سەگمەنتىنە «بەك ەير» كىرەدى. جاعداي بارىنشا پوزيتيۆتى. ءبىز بۇل سەگمەنتتىڭ دامۋىنا وپتيميستىك تۇرعىدا قاراپ وتىرمىز»، - دەدى ول.

اۆتور: مارلان جيەمباي