ەردوعان ر ف ديپلوماتىنا جاسالعان قاستاندىقتان كەيىن پۋتينگە حابارلاستى

استانا. قازاقپارات - تۇركيا پرەزيدەنتى رەدجەپ تايىپ ەردوعان رەسەي باسشىسى ۆلاديمير پۋتينگە تەلەفون ارقىلى حابارلاسىپ، انكارادا ولتىرىلگەن ەلشى اندرەي كارلوۆقا جاسالعان شابۋىل جونىندە ايتىپ بەردى.

بۇل تۋرالى ر. ەردوعاننىڭ باسپا ءسوز حاتشىسى يبراگيم كالىن ءمالىم ەتتى، دەپ حابارلايدى بي- بي- سي CNN Turk تەلەكومپانياسىنىڭ «تۆيتتەردەگى» رەسمي اككاۋنتىنا سىلتەمە جاساپ.

رەسەي ەلشىسى 19 - جەلتوقسان كۇنى انكارادا «رەسەي كالينينگرادتان كامچاتكاعا دەيىن» اتتى كورمەنىڭ اشىلۋىندا ءسوز سويلەۋ بارىسىندا اتىپ ءولتىرىلدى.

تاپانشامەن قارۋلانعان ەر ادام ەلشىگە وق اتقاننان كەيىن «اللاحۋ اكبار! اللەپو تۋرالى ۇمىتپاڭدار! سيريا تۋرالى ۇمىتپاڭدار!»، دەپ ايعايلاعان (كەيىن ۆيدەو ينتەرنەتتەن الىنىپ تاستالدى).

انكارا مەرى مەليك گەكچەك «تۆيتتەردەگى» ءوزىنىڭ جازباسىندا، شابۋىل جاساعان ەر ادام پوليتسەي بولعانىن، ال ونىڭ قىلمىستىق ارەكەتى 2016 -جىلدىڭ جازىندا عانا رەتكە كەلتىرىلگەن رەسەي مەن تۇركيا اراسىنداعى قارىم- قاتىناستى قايتا ۋشىقتىرۋ بولىپ تابىلاتىنىن ايتتى.

ر ف س ءى م اندرەي كارلوۆتىڭ ولتىرىلگەنى تۋرالى اقپاراتتى راستاپ، ورىن العان جاعدايدى لاڭكەستىك ەكەندىگىن ايتتى. جانە بۇل ماسەلەنى ب ۇ ۇ قاۋىپسىزدىك كەڭەسىنىڭ تالقىسىنا شىعارۋعا ۋادە ەتتى.

اندرەي كارلوۆ تۇركياداعى ەلشىلىك قىزمەتىنە 2013 -جىلدىڭ 12 - ماۋسىمىندا كىرىسكەن ەدى. ايتا كەتەيىك، سوڭعى كەزدەرى تۇركيادا سيرياداعى رەسەيلىك ساياساتقا قارسى اكسيالار ءجيى ءوتىپ تۇردى.