ەلباسى گەننادي زەنچەنكونىڭ وتباسىنا كوڭىل ايتۋ جەدەلحاتىن جولدادى

استانا. قازاقپارات - قازاقستان پرەزيدەنتى نۇرسۇلتان نازاربايەۆ گەننادي زەنچەنكونىڭ قايتىس بولۋىنا بايلانىستى تۋعان- تۋىسقاندارى مەن جاقىندارىنا كوڭىل ايتۋ جەدەلحاتىن جولدادى.

 بۇل تۋرالى اقوردانىڭ باسپا ءسوز قىزمەتىنەن حابارلادى. گەننادي يۆانوۆيچ زەنچەنكونىڭ قايتىس بولعانى تۋرالى حاباردى مەملەكەت باسشىسى زور كۇيزەلىسپەن قابىلداپ، مارقۇمنىڭ وتباسىنا كوڭىل ايتتى.

جەدەلحاتتا ول ءومىرىنىڭ كوپ جىلىن اۋىل شارۋاشىلىعىنا ارناعانى جانە ونىڭ ەلىمىزدىڭ الەۋمەتتىك- ەكونوميكالىق دامۋىنا زور ۇلەس قوسقانى ايتىلعان. گ. زەنچەنكو ءارقاشان تاماشا ادامي قاسيەتتەرىمەن، جوعارى كاسىبي دەڭگەيىمەن، مول تاجىريبەسىمەن جانە ءوز ىسىنە دەگەن ادالدىعىمەن ەرەكشەلەندى. ونىڭ ەرەن ەڭبەگى «قازاقستاننىڭ ەڭبەك ەرى» جوعارى اتاعىمەن جانە باسقا دا مەملەكەتتىك ماراپاتتارمەن باعالاندى. ەلباسى نۇرسۇلتان نازاربايەۆ گ. زەنچەنكونىڭ جارقىن بەينەسى ونى بىلەتىندەردىڭ جۇرەگىندە ءاردايىم ساقتالاتىنىن اتاپ ءوتتى.

ەسكە سالايىق، بۇگىن 80 جاسقا قاراعان شاعىندا قازاقستان رەسپۋبليكاسىنىڭ ەڭبەك ەرى، سولتۇستىك قازاقستان وبلىسىنىڭ قۇرمەتتى ازاماتى، «زەنچەنكو جانە ك» سەنىمگەرلىك سەرىكتەستىگىنىڭ ديرەكتورى گەننادي يۆانوۆيچ زەنچەنكو دۇنيەدەن وزدى. گەننادي زەنچەنكو 1937 -جىلى 4 - مامىردا ەگىنشىلەر جانۇياسىندا دۇنيەگە كەلگەن. ەڭبەك جولىن جۇمىسشى- مەحانيزاتور بولىپ باستاعان. اسكەردەن كەيىن بالعاشى، تەمىر ۇستاسى، جۇرگىزۋشى بولىپ جۇمىس ىستەگەن. ارنايى ءبىلىم العان سوڭ، مەحانيك، سوۆحوزدىڭ باس ينجەنەرى، «سەلحوزتەحنيكي» اۋداندىق باسقارماسىنىڭ باسشىسى، اۋداندىق اتقارۋ كوميتەتىنىڭ ءتوراعا ورىنباسارى بولعان. 1976 -جىلى «نوۆونيكولسكي» سوۆحوزىنىڭ ديرەكتورى بولىپ تاعايىندالدى. ارتتا قالعان شارۋاشىلىقتى بىرنەشە جىلدا الدىڭعى قاتارعا شىعارعان. 90-جىلدارى سوۆحوزدى ج ش س- عا اينالدىردى، سودان كەيىن «زەنچەنكو جانە ك» سەنىمگەرلىك سەرىكتەستىگىن اشتى. قازىر فەرمەرلىك شارۋاشىلىق قازاقستانعا تانىمال زاماناۋي اۋىلشارۋاشىلىق كلاستەرىنە اينالدى. گەننادي يۆانوۆيچ زەنچەنكوعا «وتان» وردەنى جانە «التىن بارىس» توسبەلگىسى بەرىلگەن. ك س ر و- نىڭ ەكى وردەنىمەن، ك س ر و- نىڭ جانە قازاقستان رەسپۋبليكاسىنىڭ مەدالدارىمەن ماراپاتتالعان.