ترامپ ميشەل وبامامەن نەگە كەلىسپەيدى؟

استانا. قازاقپارات - ا ق ش- تىڭ جاڭا سايلانعان پرەزيدەنتى دونالد ترامپ ميشەل وبامانىڭ سايلاۋ ناتيجەسىنەن كەيىنگى ا ق ش بولاشاعى تۋرالى ايتقان سوزدەرىنە مۇلدەم كەلىسپەيدى.

بۇل تۋرالى ول 18- جەلتوقساندا الاباما شتاتىندا ءوز جاقتاستارىنىڭ الدىندا سويلەگەن سوزىندە ايتتى، دەپ حابارلايدى Fox News تەلەارناسى.

«ميشەل وباما ەندى بولاشاققا ءۇمىت جوق دەيدى. ول وتكەن كۇندەر تۋرالى ايتىپ وتىرعان شىعار. كەرىسىنشە، مەن ءۇمىتتىڭ بارىنا، ۇلكەن مۇمكىندىكتەردىڭ قولىمىزدا ەكەنىنە سەنىمدىمىن. ءبىزدىڭ مەملەكەت بۇرىنعىدان دا ۇلى بولادى»، - دەدى ترامپ.

سونىمەن قاتار ول ميشەل وباما باسقا نارسە ايتقىسى كەلگەنىن، ءبىراق سوزدەردى ورىندى قولدانباعانى مۇمكىن ەكەنىن دە جەتكىزدى. «مەن جاقىندا جارىم مەلانيامەن اق ۇيدە بولدىم. پرەزيدەنت پەن ميشەل وباما ءبىزدى جاقسى قارسى الدى. مەن ول ءدال وسى پىكىردى ۇستانباي، تەك ويىن دۇرىس جەتكىزە المادى دەپ ۇمىتتەنەمىن»، دەدى ترامپ.