ەكسپو كورمەسىنىڭ ماڭىزدى مادەني شاراسى پ. چايكوۆسكي اتىنداعى جاس وسپىرىمدەر بايقاۋى بولادى
بۇل تۋرالى «قازاق ۇلتتىق ونەر ۋنيۆەرسيتەتىنىڭ رەكتورى» م م رەكتورى ايمان مۇساقوجايەۆا، پ. ي. چايكوۆسكي اتىنداعى حالىقارالىق كونكۋرس لاۋرەاتتار قاۋىمداستىعىنىڭ باس ديرەكتورى اندرەي چەرباكتىڭ قاتىسۋىمەن وتكەن باسپا ءسوز ءماسليحاتىندا بەلگىلى بولدى.
بايقاۋ 17 جاسقا دەيىنگى مۋزىكانتتار اراسىندا فورتەپيانو، سكريپكا جانە ۆيولونچەل ماماندىقتارى بويىنشا وتكىزىلەدى.
بايقاۋدى ۇيىمداستىرۋشىلار: ق ر مادەنيەت جانە سپورت مينيسترلىگى، قازاق ۇلتتىق ونەر ۋنيۆەرسيتەتى جانە پ. ي. چايكوۆسكي اتىنداعى حالىقارالىق بايقاۋ لاۋرەاتتارىنىڭ قاۋىمداستىعى. بايقاۋ پ. ي. چايكوۆسكي اتىنداعى ماسكەۋ مەملەكەتتىك كونسەرۆاتورياسىنىڭ، ماسكەۋ اكىمشىلىگىنىڭ جانە استانا قالاسى اكىمدىگىنىڭ قولداۋىمەن وتكىزىلەدى. جاس وسپىرىمدەر بايقاۋىنىڭ ەرەكشەلىگى ول ءارتۇرلى ەلدەردە وتكىزىلەدى، ءارى جاس مۋزىكانتتاردىڭ الەمنىڭ بارلىق ەلدەرىنەن قاتىسۋىنا مۇمكىندىك بەرەدى.
حالىقارالىق بايقاۋدىڭ الەمگە ايگىلى پ. ي. چايكوۆسكيدىڭ اتىمەن تىعىز بايلانىسى (جاس وسپىرىمدەر بايقاۋىنىڭ جەڭىمپازدارى «ەرەسەكتەر» بايقاۋىنا قاتىسۋعا ۇسىنىلادى)، قاتىسۋشىلار سانىنىڭ كوپتىگى جانە ولاردىڭ جوعارى ورىنداۋشىلىق دەڭگەيى، كۇردەلى بايقاۋ باعدارلامالارى، مارتەبەلى حالىقارالىق تورەشىلەر، تىڭدارماننىڭ جانە بۇقارالىق اقپارات قۇرالدارىنىڭ اسا جوعارى قىزىعۋشىق ءبىلدىرۋى كونكۋرستىڭ جاس مۋزىكانتتار ءۇشىن ناعىز بەدەلدى حالىقارالىق بايقاۋ دەپ ساناۋعا بولاتىندىعىن كورسەتەدى.
قازىلار قۇرامىنا رەسەي، قازاقستان، ا ق ش، كورەيا، قىتاي، فرانسيا، شۆەيتساريا ەلدەرىنەن بەلگىلى مۋزىكانتتارى كىرەدى. بايقاۋدىڭ ءبىرىنشى جانە ەكىنشى كەزەڭدەرى قازاق ۇلتتىق ونەر ۋنيۆەرسيتەتىنىڭ ساحنالارىندا، ءۇشىنشى كەزەڭ - «استانا وپەرا» وپەرا جانە بالەت تەاترىنىڭ ساحناسىندا، ال اشىلۋ جانە جابىلۋ سالتاناتى - «قازاقستان» ورتالىق كونسەرت زالىندا وتەدى.
بايقاۋدىڭ فينالىنا قاتىسۋشىلار سيمفونيالىق وركەسترلەردىڭ سۇيەمەلدەۋىمەن شىعارما ورىندايدى. X حالىقارالىق پ. چايكوۆسكي اتىنداعى جاس وسپىرىمدەر بايقاۋى 2017-جىلدىڭ 10- ماۋسىمى مەن 10- قىركۇيەگى ارالىعىندا وتەتىن، باستى تاقىرىبى «بولاشاق ەنەرگياسى» بولىپ تابىلاتىن دۇنيەجۇزىلىك ەكسپو-2017 كورمەسىنىڭ مادەني باعدارلاماسىنىڭ ماڭىزدى ءىس-شاراسى بولادى دەپ كۇتىلۋدە.
1992-جىلى نەگىزى قالانعان حالىقارالىق پ. ي. چايكوۆسكي اتىنداعى جاس وسپىرىمدەر بايقاۋى، بۇل - جاس پيانيستەر، سكريپكاشىلار جانە ۆيولونچەليستەر ءۇشىن اسا ءىرى كاسىبي بايقاۋ. اشىلعالى بەرى بۇل بايقاۋ ماسكەۋ، سانكت-پەتەربۋرگ، ءنوۆوسىبىر (رەسەي)، سەنداي (جاپونيا)، سۋۆون (كورەي رەسپۋبليكاسى)، سيامىن (ق ح ر)، مونترە-ۆيەۆە (شۆەيتساريا)، كۋراسيكي (جاپونيا) قالالارىندا وتكەن بولاتىن.
ەسكە سالا كەتسەك، 4- قاراشادا «شابىت» فەستيۆالى قارساڭىندا «شابىت» ونەر ۋنيۆەرسيتەتىنىڭ رەكتورى ايمان مۇساقوجايەۆا قازاقستان چايكوۆسكي اتىنداعى حالىقارالىق كونكۋرستى وتكىزۋگە ابدەن لايىق ەل دەپ ءمالىم ەتكەن ەدى.
