قازاقستاندىقتاردى «الەم ارۋى» بايقاۋىندا ءاليا مەرگەمبايەۆا ءۇشىن داۋىس بەرۋگە شاقىرۋدا

استانا. قازاقپارات - «قازاقستان ارۋى» ۇلتتىق بايقاۋىنىڭ رەسمي اككاۋنتىندا «الەم ارۋى-2016» بايقاۋىندا ونەر كورسەتىپ جاتقان ءاليا مەرگەمبايەۆا ءۇشىن داۋىس بەرۋگە شاقىرۋدا. «الەم ارۋى -2016» بايقاۋىنىڭ اياقتالۋىنا از عانا ۋاقىت قالدى. جەرلەسىمىز ءاليا مەرگەمبايەۆا ءۇشىن ءبىراۋىزدان داۋىس بەرەيىك!» - دەلىنگەن وندا.

ايتا كەتەيىك، «قازاقستان ارۋى -2015» بايقاۋىنىڭ جەڭىمپازى ءاليا مەرگەمبايەۆا اقتاۋدا تۋعان. «الەم ارۋى-2016» بايقاۋىنىڭ سايتىندا قازاقستان وكىلىنىڭ بەينەتانىستىرىلىمى قويىلعان. بيىلعى جىلى اسەمدىك يندۋسترياسىنىڭ ەڭ باستى وقيعالارىنىڭ ءبىرى ۆاشينگتوندا (ا ق ش) 18 -جەلتوقسان كۇنى باستالدى. وعان ادەتتەگىدەي ءتۇرلى ەلدەردىڭ اسەمدىك بايقاۋلارىنىڭ جەڭىمپازدارى قاتىسۋدا.