شىمكەنتتە وتكەن فلەشموب جەلىنى ءدۇر سىلكىندىردى - كەسكىن
ءشامشى قالداياقوۆ اتىنداعى وبلىستىق فيلارمونيا ارتىستەرى ساحنا كيىمىن شەشىپ، قاراپايىم كيىممەن ۆوكزال جانىندا جۇرەدى دە، دومبىرالارىن الىپ، ەكى بارابانشىنىڭ قاسىنا جينالا باستايدى. ارتىستەر ورتاعا جينالعان سوڭ ءبىر ساتتە شىمكەنت قالاسىنىڭ اسپانىندا قۇرمانعازىنىڭ «سارى ارقا» كۇيى تارتىلا كەتەدى. بەينەروليكتەن كورىپ وتىرعانىمىزداي، ۆوكزال ماڭىندا جۇرگەن قالا تۇرعىندارى مەن جولاۋشىلار قازاقتىڭ رۋحىن وياتىپ جۇرگەن كۇيدىڭ داۋىسى شىعىپ جاتقان جەرگە لەزدە جينالا قالادى.
كوپشىلىك ۇيالى تەلەفوندارىن قولىنا الىپ، ەرەكشە فلەشموبتى تۇسىرە باستاعان. ارتىستەر فلەشموبتى «جەرىم مەنىڭ» اتتى انمەن ادەمى اياقتاي بىلگەن. ش. قالداياقوۆ اتىنداعى و ق و فيلارمونيا ۇجىمى بولسا 12 -قاراشا كۇنى ۇيىمداستىرعان فلەشموبتى ەكى كۇن بۇرىن جەلىگە جۇكتەگەن. ۇجىم بەينەروليككە «ەل تاۋەلسىزدىگىنىڭ 25 جىلدىعىنا شىمكەنتتىكتەردىڭ تارتۋى» دەگەن ات بەرىپتى. قازىر بۇل ۆيدەو فەيسبۋك الەۋمەتتىك جەلىسى مەن WhatsApp قوسىمشاسى ارقىلى تەز تارالىپ جاتىر.
