قانات يسلامنىڭ پاتريك اللوتەيمەن كەزدەسۋدەن كەيىنگى جۇدىرىعىنىڭ سۋرەتى جاريالاندى - فوتو
بۇل جەكپە-جەكتە بوكسشىلار WBA Fedelatin جانە WBO Interсontinental تيتۋلدارىنا تالاسقان بولاتىن.
الماتىدا 29 -قازاندا وتكەن كەزدەسۋ 12 راۋندقا سوزىلىپ، ونىڭ قورىتىندىسىندا تورەشىلەر جەڭىستى ءبىر اۋىزدان قازاقستاندىققا بەرگەن ەدى.
بۇعان دەيىن قانات يسلامنىڭ ەكىنشى جانە ءۇشىنشى راۋندتاردا ەكى قولىن دا جاراقاتتاپ العانى بەلگىلى بولعان. كەيىن ونىڭ كومانداسىنىڭ وكىلى سپورتشىنىڭ جاعدايى جاقسى ەكەنىن مالىمدەدى. بۇل تۋرالى بوكسشىنىڭ ءوزى دە ايتتى. جەكپە-جەك اياقتالعاندا بوكسشى كەزدەسۋدىڭ كوپ بولىگىن جاراقات العان كۇيى وتكىزگەنىن، سوندىقتان قارسىلاسىن نوكاۋتقا تۇسىرە الماعانىن مالىمدەگەن.
قانات يسلام وسىلايشا 22 جەكپە-جەگىندە 22- جەڭىسىنە قول جەتكىزىپ وتىر. ونىڭ 18 ى نوكاۋتپەن اياقتالعان. ال اللوتەي كاسىپقوي رينگتە ءۇشىنشى جەڭىلىسىنە ۇشىرادى. گانالىقتىڭ قورجىنىندا 34 جەڭىس بار، ونىڭ 28 ىن نوكاۋتپەن اياقتاعان.
kaz.tengrinews.kz
