ءدىن تانۋ ءپانى بالالاردىڭ جاس ەرەكشەلىكتەرىنە قاراي وقىتىلادى - ب ع م
ال، بۇگىنگى ءبىلىمنىڭ جاڭارتىلعان مازمۇنىنا سايكەس «الىپپەمەن» بىرگە «ءدىن تانۋ» ءپانىنىڭ اتاۋى دا وزگەرتىلدى، دەپ حابارلايدى قازاقپارات ءتىلشىسى.
«2019 - جىلى تەك 10-11 - سىنىپتاردا عانا، ونىڭ وزىندە جاراتىلىستانۋ- ماتەماتيكا كلاسستارىندا ءتورت ءپاننىڭ ەكەۋىن تاڭداي الادى. بيولوگيا، حيميا، فيزيكا جانە ينفورماتيكا»، - دەدى ءبىلىم جانە عىلىم مينيسترلىگىنىڭ ءبىلىمنىڭ مازمۇنى جانە ادىستەمەسى باسقارماسىنىڭ باسشىسى تالعات جاكەنوۆ بۇگىنگى بريفينگتە. ونىڭ ايتۋىنشا، مەكتەپ وقۋشىلارى تاڭداعان پاندەرىن اعىلشىن تىلىندە وقيتىن بولادى.
سونداي- اق ول «الىپپەنىڭ» اتىن اۋىستىرۋ مەن ءدىنتانۋ ساباعىن ەنگىزۋ بويىنشا جۋرناليستەردىڭ تاراپىنان قويىلعان سۇراقتارعا جاۋاپ بەردى.
«الىپپەنىڭ» اتاۋى وزگەرسە دە، زاتى وزگەرمەدى. اتاۋى «ساۋات اشۋ» بولسا دا، ىشىندە بۇرىنعى - «الىپپە». بالا بۇكىل ارىپتەردى ۇيرەنەدى. سوسىن «انا تىلىنە» اۋىسادى. سوندىقتان ەشقانداي ماسەلە جوق بۇل جەردە. ال «ءدىن تانۋ» ءپانى تۋرالى ايتار بولساق، ول 2009 -جىلدان باستاپ مىندەتتى ءپان رەتىندە وقىتىلىپ كەلدى. بيىلعى جىلدان باستاپ بۇل ءپاننىڭ اتاۋى «زايىرلىق جانە ءدىنتانۋ نەگىزدەرى» بولىپ وزگەرتىلدى. ونى تەك 9- سىنىپتاردا عانا وقىتادى. بالالاردىڭ جاس ەرەكشەلىكتەرىنە سايكەس، وسى 9-سىنىپ ناعىز وتپەلى جاس دەيدى عوي، سول سەبەپتى ءدال ۋاقىتتان باستاپ ەنگىزگەندى ءجون كوردىك. ودان بۇرىن وقىتۋ جوسپارىمىزدا جوق»، - دەدى ت. جاكەنوۆ.
اۆتور: ارمان اسقاروۆ
