عالىمدار «قوستاناي تەتراگونى» جاڭا گەوگليفىن اشتى

قوستاناي. قازاقپارات - تانىمال زەرتتەۋشى، بەلگىلى تورعاي گەوگليفتەرىن تۇڭعىش اشقان Turgay Discovery جوباسىنىڭ جەتەكشىسى دميتري دەي جاڭا سەنساتسيالىق ولجا تۋرالى ءمالىم ەتتى،

دەپ حابارلايدى قازاقپارات ءتىلشىسى.

«قىمباتتى دوستار، نازارلارىڭىزعا «قوستاناي تەتراگونى» جاڭا گەوگليفىن ۇسىنۋعا رۇقسات ەتىڭىزدەر. ول سپۋتنيكتىك تۇسىرىلىمدەردىڭ كومەگىمەن تابىلدى. قولا ءداۋىرىنىڭ تايپالارى ونى ءدىني نىسان رەتىندە شامامەن 3000 مىڭ جىل بۇرىن سالعان. بۇل تورعاي جەرىندەگى قورعان تارىزدەس گەوگليفتەر قۇرىلىسىنىڭ سوڭعى كەزەڭى»، - دەپ جازدى عالىم Facebook الەۋمەتتىك جەلىسىندەگى ءوزىنىڭ اككاۋنتىندا.

«جاڭا گەوگليف م36 اۆتوجولىمەن قوزعالىپ كەلە جاتقاندا قالا ماڭىنداعى زاتوبول كەنتىنەن 1,9 شاقىرىم جەردە ورنالاسقان»، - دەيدى ول.

ونىڭ پىكىرىنشە، تابىلعان بۇل تەتراگون ونى تۋريستىك كورىكتى ورىنعا اينالدىرۋعا بولاتىن جاقسى مۇمكىندىك. ونىمەن قوسا، «قوستاناي تەتراگونى» - بۇل كونە زامانعى ادامدارمەن تۇرعىزىلعان بۇرىنعى «كۇن عيباداتحاناسى».