اس ءدامىن قالاي جوعالتادى؟

استانا. قازاقپارات - كۇندەلىكتى ومىردە كوپتەگەن تاعام ءتۇرىن، كەيبىر ازىق-تۇلىكتى اشىپ كەتپەس ءۇشىن توڭازىتقىشقا سالىپ قوياتىنىمىز شىندىق.

مىنە، سول استىڭ ءبىرقاتارى سۋىق جەردە ءدامىن جوعالتادى ەكەن.

فلوريدا ۋنيۆەرسيتەتىنىڭ عالىمدارى مۇنى دالەلدەۋ ءۇشىن قىزاناقتى توڭازىتقىشقا سالىپ قويىپ، بەلگىلى ءبىر ۋاقىت وتكەن سوڭ ءوز قورىتىندىلارىن جاريا ەتتى. شىنىندا دا وتە ءدامدى قىزاناقتىڭ سۋىق جەردەن كەيىن ءدامسىز بولىپ قالۋى ويعا قالدىرادى.

ماماندار قىزاناقتىڭ ەكى ءتۇرىن جىلۋجايدا ءوسىرىپ، ارتىنان ونى 5 گرادۋس سۋىق جەردە ءۇش نەمەسە جەتى كۇن ۇستاعان. سودان سوڭ ونى ءۇي تەمپەراتۋراسىنا دەيىن جىلىتقان. عالىمدار كوكونىستەن شىعاتىن ءيىستى، رنك مولشەرىن زەرتتەدى. انىقتاي كەلگەندە تومەن تەمپەراتۋرا گەندەردى وزگەرتۋگە ىقپال ەتەدى. سونىڭ سالدارىنان كوكونىس ساپاسىن جوعالتادى.

نەگىزى قىزاناقتىڭ ءدامى كومىرتەگى، قىشقىلعا بايلانىستى. قىزاناقتى ءۇي تەمپەراتۋراسىندا ۇستاعان جاعدايدا عانا ءدامى وزگەرىسسىز قالادى. سوندىقتان سۇيىكتى اسىڭىزدى دەر كەزىندە جەپ، تاماققا قوسىپ ۇلگەرۋ كەرەك نەمەسە ءۇي تەمپەراتۋراسىندا ۇستاڭىز.