13:12, 02 - قاراشا 2016 | GMT +5
سوت كۇلەكبايەۆتى اتىس كەزىندە جارالاپ، توقتاتقان ايان گاليەۆتى مەملەكەتتىك ناگراداعا ۇسىنۋ تۋرالى قاۋلى جولدادى
الماتى. قازاقپارات - الماتىدا 2016 -جىلدىڭ 18 -شىلدەسىندە تەراكت جاساپ، 10 ادامدى ولتىرگەن رۋسلان كۇلەكبايەۆتى اتىس كەزىندە جارالاپ، توقتاتقان ايان گاليەۆتى مەملەكەتتىك ناگراداعا ۇسىنۋ تۋرالى سوت قاۋلىسى شىقتى، دەپ حابارلايدى قازاقپارات ءتىلشىسى سوت زالىنان.
اتىستا 9 جەردەن جارالانىپ، مەرت بولعان ايان گاليەۆتى الماتى قالاسى قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى ەرلان بولاتوۆ مەملەكەتتىك ناگراداعا ۇسىنۋ تۋرالى ق ر ءى ءى م اتىنا سوت قاۋلىسىن جولدادى.
«وسى ءىس بويىنشا، ەرلىك جاساعانى ءۇشىن ايان گاليەۆتى مەملكەتتىك ماراپاتتاۋعا ۇسىنۋ تۋرالى ق ر ءى ءى م اتىنا جەكە قاۋلى شىعارىلدى»، - دەدى ەرلان بولاتوۆ.
بۇعان دەيىن اشىق سوتتىڭ 4- كۇنى وتكەن جارىسسوزدە الماتى قالاسى پروكۋرورىنىڭ ورىنباسارى جارقىنبەك باقاشبايەۆ ايان گاليەۆتى مەملەكەتتىك ناگرادا ۇسىنۋ تۋرالى سوتقا ۇسىنىس جاساعان بولاتىن.
