رەسەي قازاقستانعا تايسويعان پوليگونىنىڭ كوپ بولىگىن قايتارىپ بەردى

استانا. قازاقپارات - رەسەيلىك اسكەريلەر قىزىلقوعا اۋدانىنداعى تايسويعان پوليگونىنىڭ جانە اتىراۋ وبلىسىنىڭ اقجار اۋىلىنداعى اسكەري بولىمشەنىڭ قاجەتتىلىگىنە جالعا الىنىپ كەلگەن جەرلەردى قايتارىپ جاتىر،

 دەپ حابارلايدى قازاقپارات ءتىلشىسى.

«بەرتىنگە دەيىن اتىراۋ وبلىسى قىزىلقوعا اۋدانى تايسويعان پوليگونىندا رەسەي فەدەراتسياسىنىڭ جالعا الۋ يەلىگىندە 749 مىڭ گەكتار جەر بولدى. ەندىگىدە تەك 125 مىڭ گەكتار قالىپ وتىر. اتىراۋ ماڭىندا ورنالاسقان اقساي اۋىلدىق وكرۋگىنىڭ اقجار كەنتىندە رەسەيلىك اسكەريلەردىڭ قولدانىسىندا 753 گەكتار جەر بولدى. 740 گەكتاردى اسكەري تاراپ قازاقستانعا قايتارىپ جاتىر»، - دەپ اتاپ ءوتتى ق ر پارلامەنتى سەناتىنىڭ دەپۋتاتى سارسەنباي ەڭسەگەنوۆ.

 جەرلەردى قايتارۋ قازاقستان اۋماعىندا ورنالاسقان رەسەيدىڭ 929- مەملەكەتتىك ۇشۋ- سىناۋ ورتالىعىنىڭ نىساندارىن پايدالانۋ جونىندەگى ەكى ەل اراسىنداعى كەلىسىمگە وزگەرىستەر مەن تولىقتىرۋلار ەنگىزۋ تۋرالى ق ر مەن ر ف ۇكىمەتتەرى اراسىندا جاسالعان كەلىسىمدەر اياسىندا وتۋدە. بۇل كەلىسىمدەر رەسەيدىڭ اسكەري قاجەتتىلىكتەر ءۇشىن تەرريتوريالاردى جالعا الۋىن قىسقارتۋدى قاراستىرادى.