اقجارقىن تۇرلىباي ءوز بولاشاعىنا سەنىمدى - قىتايلىق قورعاۋشى
«مەن اقجارقىنمەن 2016 -جىلدىڭ 31 - قازانىندا جۇزدەستىم. ول رۋحاني جانە فيزيكالىق جاقسى كۇيدە. ونىڭ ىشكى كۇش- قۋاتى مىقتى، ول سابىرلى ءارى ويلاۋى ايقىن. ول قىتايلىق سوتتىڭ ادىلدىگىنە جانە ءوز بولاشاعىنا سەنىمدى. وتانى جاقىندا ەكەنىن جانە ونىڭ قولداۋىن سەزىنەدى. ءىس ءالى اياقتالعان جوق، 2 - قاراشا كۇنى دە ناقتى شەشىم بولاتىنى ەكىتالاي - بارلىعىمىزعا شىدامدىلىق كەرەك»، - دەدى ول قازاقپارات تىلشىسىنە بەرگەن سۇحباتىندا.
ونىڭ سوزىنە قاراعاندا، قىتايلىق سوت ورگاندارى جوعارى كاسىبيلىكتەرىن كورسەتۋدە جانە اقجارقىن تۇرلىبايدىڭ ءىسىن ءجىتى زەردەلەۋدە.
«ال ءبىز - قورعاۋشىلار كونسۋل مىرزا بولات سىرلىبايعا جانە بۇرىنعى كونسۋل ءۋاليحان سارسەمبەكوۆكە، سونداي- اق قازاقستاننىڭ قىتايداعى ەلشىلىگىنىڭ وزگە دە قىزمەتكەرلەرىنە جۇمىستارى ءۇشىن العىس ايتامىز»، - دەپ اتاپ كورسەتتى ول.
ادۆوكات اعىمداعى جىلدىڭ باسىنان اقجارقىننىڭ قىتاي ءتىلىن مەڭگەرۋ دەڭگەيى ايتارلىقتاي ارتا تۇسكەنىن ايتىپ ءوتتى.
«ول قىتاي ءتىلىن مەڭگەرىپ قانا قويعان جوق، قازىر ول قىتايشا ويلايدى. ول وتە اقىلدى. مەن ءاۋ- باستان ونىڭ كىناسىزدىگىنە سەندىم»، - دەدى شياو جاڭدە.
ەسكە سالايىق، ق ر ازاماتى اقجارقىن تۇرلىبايعا قاتىستى ءبىرىنشى ساتىداعى سوت وتىرىسى ق ح ر گۋاڭدۇڭ پروۆينتسياسى گۋاڭجوۋ قالاسىندا 2016 -جىلدىڭ 2 - قاراشاسىندا وتەدى.
ەسكە سالا كەتەيىك، 21 جاستاعى قازاق قىزى اقجارقىن تۇرلىباي 2014 -جىلدىڭ ناۋرىز ايىندا قىتايدىڭ مالايزيامەن شەكاراسىندا ەسىرتكىمەن ۇستالعان بولاتىن. ونىڭ جۇك سومكەسىنەن 4,5 كەلى ەسىرتكى تابىلدى، اقجارقىن ول تۋرالى بىلمەيتىنىن مالىمدەگەن. وسى ءىس بويىنشا قىتايدىڭ گۋاڭجوۋ سوتى اقجارقىن تۇرلىبايدى ەسىرتكى كونترابانداسىمەن ايىپتاپ، ءومىر بويىنا باس بوستاندىعىنان ايىردى. 2016 -جىلى 7 - ساۋىردە اپەللياتسيالىق ساتىداعى سوت اقجارقىن تۇرلىبايدىڭ ءومىر بويىنا باس بوستاندىعىنان ايىرۋ جازاسىن وزگەرتۋ جانە ءىستى ءبىرىنشى ساتىداعى سوتتىڭ قاراۋىنا جىبەرۋ تۋرالى قاۋلى ەتتى.
