18:25, 01 - قاراشا 2016 | GMT +5
الەمدەگى ەڭ ءىرى تەلەسكوپ نارازىلىقتار سالدارىنان كانار ارالدارىنا كوشىرىلۋى مۇمكىن
استانا. قازاقپارات - گاۆاي ارالدارىنا قۇرىلىسىن سالۋ جوسپارلانعان وتىز مەترلىك TMT تەلەسكوپ، باسقا ورىندا تۇرعىزىلۋى مۇمكىن.
بۇل تۋرالى باسقارۋشىلار كەڭەسىنىڭ مالىمدەمەسىندە ايتىلدى، دەپ جازادى gazeta.ru.
جەرگىلىكتى تۇرعىنداردىڭ نارازىلىعى بولاشاقتا عالامشارداعى وسىعان ۇقساس ەڭ ءىرى قۇرالداردىڭ ءبىرى بولۋى مۇمكىن، قۇنى ميلليارد دوللاردان استام تەلەسكوپ قۇرىلىسىنا بۇرىن دا تۇراقتى تۇردە كەسىرىن تيگىزىپ كەلگەن بولاتىن.
جوبانى باسقارۋشىلار كەڭەسى مۇشەلەرىنىڭ ماجىلىسىندە كانار ارالدارىن قۇرىلىس ورنىنىڭ باستى بالاماسى رەتىندە قاراۋعا شەشىم قابىلداندى. «مۇقيات ءوز پىكىرلەرىن تارازىلاعاننان كەيىن كەڭەس گاۆاي ارالدارىنا باستى بالاما رەتىندە پالما (كانار ارالدارى) اۋماعىنداعى روكە-دە-لوس-مۋچاچوس وبسەرۆاتورياسىن تاڭدادى»، - دەلىنگەن كەڭەس مالىمدەمەسىندە.
