سينوپتيكتەر ايازدى كۇندەردىڭ قاشان كەلەتىنىن ايتىپ بەردى

استانا. قازاقپارات - قاراشا ايىنىڭ ەكىنشى جارتىسىندا قازاقستاننىڭ بارلىق ايماعىندا كۇن ايازدى بولادى، دەپ حابارلادى «قازگيدرومەت».

الايدا ەلىمىزگە العاشقى اياز وسى اپتانىڭ سوڭىندا تۇسەدى.

«ايدىڭ العاشقى ون كۇندىگىندە قازاقستان ايماعىنان ورتا پوۆولجە مەن كاسپي تەڭىزىنىڭ وڭتۇستىگىنەن وتەتىن ەكى سيكلون ءجۇرىپ وتەدى. ونىڭ سالدارىنان جاۋىن-شاشىن، قار جاۋىپ، تۇمان باسادى. كوكتايعاق بولىپ، كەي وڭىرلەردە قالىڭ قار جاۋادى. سۋىق انتيتسيكلوننىڭ كەلۋىنە بايلانىستى 4-5- قاراشا كۇندەرى اۋا تەمپەراتۋراسى سولتۇستىكتە -5-11°С ° دەيىن، ال وڭتۇستىكتە  0-5°С°دەيىن تومەندەيدى»، -  دەلىنگەن سەيسەنبى كۇنى جاريا ەتىلگەن بولجامدا.

ودان بولەك، باريكالىق پايدا بولۋلاردىڭ ءجيى اۋىسۋىنىڭ سالدارىنان كۇن قۇبىلمالى بولادى دەپ حابارلاندى. ياعني جىلى كۇندەر بۇلتتى كۇندەرمەن الماسىپ، كۇن كۇرت سۋيدى.

«قاراشانىڭ ەكىنشى جانە ءۇشىنشى ون كۇندىگىندە اۋا تەمپەراتۋراسى ايتارلىقتاي تومەندەيدى. ەلىمىزدىڭ سولتۇستىگى، شىعىسى مەن ورتالىعىندا اۋا تەمپەراتۋراسى - -15-27°С دەيىن، ال باتىس، وڭتۇستىك جانە وڭتۇستىك- باتىستا -5-12°С  دەيىن تومەندەيدى»، - دەپ حابارلادى سينوپتيكتەر.

قىسقاسى، قاراشا ايىندا كۇن قۇبىلمالى ءارى تۇراقسىز بولماق. ءجيى-ءجيى جاۋىن جاۋىپ، تۇمان، كوكتايعاق بولادى. جاۋاتىن قار مولشەرى جىلداعىدان كوپ بولادى.

سونداي-اق، بۇل بولجامنىڭ دا وزگەرۋى مۇمكىن ەكەندىگى اتاپ ءوتىلدى.