وڭتۇستىك قازاقستان وبلىسىندا ەكسپورت ۇلەسى يمپورتتان اسىپ ءتۇستى
تاۋار ءوندىرۋ، قىزمەت كورسەتۋ سالاسىن قوسقاندا شاعىن جانە ورتا كاسىپكەرلىك وكىلدەرى 6-ايدا 334,5 ميلليارد تەڭگەنىڭ ءونىمىن شىعارىپ، پايدا تاپتى. وبلىس ەكونوميكاسىن وركەندەتۋگە 9-ايدا 240,8 ميلليارد تەڭگە ينۆەستيتسيا جۇمسالدى. وسى ينۆەستيتسيالىق قارجىنىڭ نەگىزگى كولەمى, ياعني 160,4 ميلليارد تەڭگە شاعىن كاسىپورىنداردىڭ جۇمىسىن جانداندىرۋعا باعىتتالدى. وڭىردە 152,3 ميلليارد تەڭگەنىڭ قۇرىلىس جۇمىستارى جۇرگىزىلدى. تۇرعىن ءۇي قۇرىلىسىن دامىتۋعا 23 ميلليارد تەڭگە ينۆەستيتسيا سالىندى. توعىز ايدا 385,2 مىڭ شارشى مەتر تۇرعىن ءۇي پايدالانۋعا بەرىلدى. سالىنعان ۇيلەر كولەمى وتكەن جىلدىڭ تيىستى كەزەڭىمەن سالىستىرعان 110 پايىزعا وسكەن.
اعىمداعى جىلدىڭ قاڭتار- تامىز ارالىعىندا وبلىستىڭ سىرتقى ساۋدا اينالىمى 1496,8 ميلليون ا ق ش دوللارىن قۇرادى. ونىڭ ىشىندە ەكسپورتتىڭ ۇلەسى 788,5 ميلليون دوللار بولسا، قالعان 708,3 ميلليون دوللار يمپورتتىڭ ەنشىسىندە.
جالپى، وڭتۇستىك ەكونوميكاسى شيكىزاتقا تاۋەلدى ەمەس. سوندىقتان شيكىزات باعالارىنىڭ قۇبىلۋى رەسپۋبليكانىڭ كەيبىر وڭىرلەرى سەكىلدى ونشالىقتى اسەر ەتە قويمايدى. وسىنىڭ ارقاسىندا قارجىلىق قيىندىقتارعا قاراماستان ءوڭىردىڭ الەۋمەتتىك- ەكونوميكالىق دامۋى ۇزدىكسىز جالعاسىپ كەلەدى. ويتكەنى، وڭىردە شاعىن جانە ورتا كاسىپكەرلەر وتە بەلسەندى ءىس اتقارۋدا جانە وڭدەۋشى، جاڭا تاۋار شىعارۋشى كاسىپورىندار سانى جىل وتكەن سايىن ارتا تۇسۋدە.
