قايرات نۇرتاس: مەنى امان الىپ قالعان اللاعا سانسىز شۇكىر - فوتو
بۇل تۋرالى Stan.kz حابارلايدى.
ءانشى قايرات نۇرتاس جول- كولىك اپاتىنا ۇشىراعان بولاتىن. اناسىنىڭ ايتۋىنشا، ءانشى ءدىن- امان. ءتىپتى، تىڭدارماندارعا اۋىرىپ تۇرعانىن بىلدىرمەي كونسەرتتە ءان سالعان. ەندى مىنە ءانشىنىڭ ءوزى جاعدايى تۋرالى ايتىپ بەردى. ول ءوزىنىڭ تىلەۋىن تىلەگەن بارشا تىڭدارماندارىنا العىس ايتتى.
«قۇرمەتتى تىڭدارماندارىم مەن تىلەكشىلەرىم، مەن ءۇشىن الاڭداپ، دۇعا ەتكەن اربىرىڭىزگە اللا جاقسىلىق بەرسىن! تاعى ءبىر قاۋىپ- قاتەردەن امان الىپ قالعان اللاعا سانسىز شۇكىر! اماندىعىما سىزدەردىڭ ۇنەمى ايتىپ جۇرەتىن باتا- تىلەكتەرىڭىز سەبەپشى بولعان شىعار. سىزدەردەي تىلەۋلەستەرىمنىڭ بارىنا سانسىز شۇكىر! ءاردايىم امان- ساۋ جۇرىڭىزدەر! اللا قالاسا، بۇگىن كەشكە تۋعان جەرىم تۇركىستان ولكەسىندەگى تىڭدارماندارىمدى كونسەرتىمدە كۇتەمىن»، - دەيدى قايرات نۇرتاس.
ءانشىنىڭ بۇل سوزدەرىن ەستىگەن تىڭدارماندارى قاتتى قۋانىپ قالدى. تۇنىمەن اماندىعىن تىلەپ شىققاندارىن دا جاسىرمادى. «امان قالعانىڭا قۋانىشتىمىن! ەلدىڭ ءتىل- كوزىنەن ساقتانىپ جۇرگەيسىڭ»، «قايرات، قورقىنىشىڭ قۋانىشىڭا ۇلاسسىن. اللا ءتۇرلى پالەدەن ساقتاسىن!»، «الدىندا اكەڭىز »بالالارىما ءرولدى بەرۋگە قورقامىن» دەپ ايتىپ وتىر ەدى. جاماندىقتى اكە جۇرەگى سەزگەن سىڭايلى»، «قايدا جۇرسەڭىز دە، امان ءجۇرىڭىزشى» دەيدى جەلى قولدانۋشىلارى.
ءانشىنىڭ اناسى دا قايراتتىڭ اماندىعىن راستادى. «قايراتتىڭ جاعدايى جاقسى. مەن قالاي ۋايىمداسام، سىزدەر دە تۋعان اناسىنداي، تۋعان اكەسىندەي، بىرەۋلەرىڭىز تۋعان باۋىرىنداي دۇعا تىلەپ، ۋايىمعا سالىندىڭىزدار. سىزدەرگە اللانىڭ نۇرى جاۋسىن! كەشە وسى جاعداي ورىن الماي تۇرىپ، اكەسى دە «شىمكەنتتە مەشىتكە بارىپ ساداقا بەرىپ، بالالارىمىزدىڭ اماندىعىن تىلەدىم» دەپ ەدى. ول دا بولسا، اللانىڭ قۇلاعىنا شالىنعانى بولار. باسىڭنان ءىس وتپەي تۇرىپ، اللادان سۇراۋ، ساداقا بەرىپ تۇرۋدى ۇمىتپاۋ كەرەك ەكەنىن وسىندايدا وي ەلەگىنەن ءبىر وتكىزىپ الامىز عوي. بۇگىن تۇركىستاندىق جەرلەستەرىمىز تاعاتسىز كۇتۋدە ەكەن. اللا قالاسا، قايروشتارىڭىز امان- ەسەن بۇگىن سىزدەرمەن بىرگە بولادى، كۇتىڭىزدەر!» - دەيدى ءانشىنىڭ اناسى.
