10:04, 31 - قازان 2016 | GMT +5
امەريكالىق ديپلوماتتاردىڭ جانۇيالارىنا ىستامبۇلدان كەتۋ تاپسىرىلدى
استانا. قازاقپارات - ا ق ش مەملەكەتتىك دەپارتامەنتى ىستامبۇلداعى باس كونسۋلدىقتا جۇمىس ىستەپ جاتقان ديپلوماتتاردىڭ وتباسىلارىنا قالادان كەتۋدى تاپسىردى.
ءتيىستى ەسكەرتۋ ۆەدومستۆو سايتىندا جاريالاندى، دەپ حابارلايدى قازاقپارات Lenta.ru-عا سىلتەمە جاساپ.
مۇنداي شەشىم ىستامبۇل اۋداندارىندا امەريكالىق ازاماتتارعا ەكسترەميستىك توپتاردىڭ شابۋىل جاساۋ قاۋپىنىڭ ارتۋىنا بايلانىستى قابىلدانعانى ايتىلىپ وتىر. بۇل شەشىم تۇركياداعى وزگە ديپلوماتيالىق وكىلدىكتەرگە ەمەس، ناقتى ىستامبۇلدا ورنالاسقان باس كونسۋلدىققا قاتىستى.
ۆەدومستۆو سوڭعى كەزدەرى ورىن العان لاڭكەستىك شابۋىلداردى ەسكە سالدى. سونداي- اق ولار تۇركيا بيلىگى ۋاقىتشا ۇستاۋعا الىنعان نەمەسە تۇتقىندالعان امەريكالىقتاردىڭ كونسۋلمەن بايلانىسۋ قۇقىعىنا توسقاۋىل بولىپ وتىرعانىن نەمەسە ونىڭ كەشىكتىرىلۋىنە جول بەرىپ جاتقانىن اتاپ ءوتتى.
