قاراعاندى وبلىسىنا «سويۋزا م س» كەمەسىنىڭ عارىشكەرلەرى مىنگەن كاپسۋلا قونادى

استانا. قازاقپارات - «سويۋز م س» كەمەسىنىڭ حالىقارالىق ەكيپاجىنىڭ ىزدەۋ-قۇتقارۋ وپەراتسياسى قىزمەتىن قامتاماسىز ەتەتىن ورتالىق اسكەري وكرۋگتىڭ مەتەورولوگتارى كاپسۋلا كەلەتىن ايماقتا اۋا رايى قولايلى دەپ مالىمدەپ وتىر.

بۇل تۋرالى ر ي ا نوۆوستي ورتالىق اسكەري وكرۋگتىڭ باسپا ءسوز قىزمەتىنە سىلتەمە جاساپ حابارلايدى.

«سويۋز م س» كەمەسىنىڭ كاپسۋلاسى كەلىپ، قونۋى ءتيىس ايماقتا، ياعني جەزقازعان قالاسىنان وڭتۇستىكتە ادەتتەگى مەتەوجاعداي قالىپتاسقان. ياعني وندا كۇننىڭ بۇلتتىلىعى 400 مەتردەن تومەن، كورىنۋ ساپاسى 6-10 كيلومەتر»، - دەلىنگەن باسپا ءسوز مالىمەتتەرىندە.

وسىعان دەيىن ورتالىق اسكەري وكرۋگتىڭ اسكەري قۇتقارۋشىلارى مەن مەديتسينا قىزمەتكەرلەرى مىنگەن ارنايى تەحنيكالارى، ىشىندە عارىشكەرلەرى بار كاپسۋلا قونۋى ءتيىس قازاقستان ايماعىنا قاراي بەت العان بولاتىن.

كاپسۋلا 30- قازان كۇنى قونادى دەپ كۇتىلۋدە.