العاشقى يادرولىق سوعىس قاي ەلدەردىڭ اراسىندا تۇتانۋى مۇمكىن

استانا. قازاقپارات - العاشقى يادرولىق سوعىس سۋ رەسۋرستارى ءۇشىن ءۇندىستان مەن پاكىستاننىڭ اراسىندا تۋىنداۋى مۇمكىن.

ب ۇ ۇ سۋر رەسۋرستارى، قورشاعان ورتا مەن دەنساۋلىقتى قورعاۋ ينستيتۋتىنىڭ عالىمدارى وسىنداي پىكىردى العا تارتادى، دەپ حابارلايدى روسبالت.

ولاردىڭ پىكىرلەرىنشە، يندى وزەنىنىڭ باسسەينى «كەز كەلگەن ۋاقىتتا جارىلۋى مۇمكىن بومباعا» اينالدى. بۇگىنگى تاڭدا اتالمىش سۋ وزەگى كليماتتىق جانە دەموگرافيالق پرولەمالارعا بايلانىستى ايتارلىقتاي تارتىلىپ بارادى. وسى رەتتە ايماقتا سۋعا دەگەن زارۋلىك ۋاقىت وتكەن سايىن ءورشي تۇسۋدە.

ءۇندىستان يندى وزەنىن شارۋاشىلىق ماقساتقا پايدالانباۋ جونىندەگى كوميسسيا قۇرامىنان شىققان سوڭ جاعداي ودان سايىن كۇردەلەنە ءتۇستى. بۇل قۇرىلىم 1960-جىلدان بەرى جۇمىس ىستەپ كەلگەن. پاكىستان بۇل ارەكەتتى وزىنە قارسى سوعىس اشۋ تۋرالى مالىمدەمە جاسالعانداي قابىلدادى.

ساراپشىلاردىڭ پىكىرلەرىنشە، دەلي مەن يسلاماباد اراسىندا ومىرلىك ءمانى زور ماسەلەلەر بويىنشا ءوزارا ىنتىماقتاستىقتىڭ بولماۋى وڭىردەگى اسكەري قاقتىعىستاردىڭ ورىن الۋىنا ىقپال ەتۋى ىقتيمال.

«ال، پاكىستان، ءۇندىستان، قىتاي سياقتى ءۇش يادرولىق الىپتىڭ اراسىنداعى قاراما-قايشىلىقتاردىڭ ۇزاققا سوزىلۋى يادرولىق قاقتىعىستارعا الىپ كەلۋى مۇمكىن، - دەيدى عالىمدار.