الماتىداعى بوكس كەشى: مىرساتايەۆ گانالىقتى العاشقى مينۋتتاردا سۇلاتىپ سالدى

الماتى. قازاقپارات - ءدال قازىرگى ساتتە «الماتى ارەنا» سپورت كەشەنى دالا رۋحىنان قۋات العان دەسە بولادى.

قازاقستان بوكسشىلارىنىڭ جەڭىستەرى 12 مىڭ ورىندىق سپورت كەشەنىن شابىتتاندىرىپ جىبەردى.

وسى ساتتە رينگكە شىققان 99 كەلىدەگى وتانداسىمىز رۋسلان مىرساتايەۆ گانالىق نۋحۋ ازۋميدى سۇلاتىپ ءتۇسىردى. ولارعا 6 راۋند بەرىلگەن بولاتىن، دەپ حابارلايدى قازاقپارات ءتىلشىسى.

ەسكە سالا كەتەيىك، بۇگىن الماتىدا قانات يسلام مەن پاتريك اللوتەيدىڭ جەكپە-جەگىنە وراي اۋقىمدى سپورت كەشى ءوتىپ جاتىر.