قىس مەزگىلىنە وتەر تۇستا ادامنىڭ كوڭىل كۇيى ناشارلايدى - عالىمدار

استانا. قازاقپارات - پسيحولوگتار توبى كۇيزەلىسكە تۇسكەن ادامدارعا باقىلاۋ جۇرگىزدى، ءبىر قىزىعى، كوڭىل- كۇيدىڭ ناشارلاۋى جازدان قىسقى كەزەڭگە ءوتۋ كەزىندە كوپ ورىن العان.

ورحۋسسك ۋنيۆەرسيتەتىنىڭ كلينيكالىق مەديتسينا دەپارتامەنتىنىڭ عىلىمي ماماندارى پەسسيميستىك كوڭىل-كۇي اۋا رايىنىڭ ناشارلاۋىمەن قاتار جۇرەتىنىن حابارلادى.

185 مىڭ ادامعا تالداۋ جۇرگىزىلدى. ولار دەپرەسسيالىق جاعدايمەن مامانعا جۇگىنگەن.

ناتيجە وسىنداي جاعدايلار ساعات اۋىسقاننان كەيىن 8 پايىزعا ۇلعاياتىنىن كورسەتتى، بۇل دەرەكتەر 1995-2012 -جىلدار ارالىعىندا زەردەلەندى.

ساراپشىلار بۇل قيىندىقتار كەزدەيسوق ەمەس ەكەنىن، انىق كورىنىپ تۇرعانىن حابارلادى.

ماماندار سونداي-اق ونىڭ ىقتيمال سەبەپتەرىن دە كورسەتتى. تەرىس پسيحولوگيالىق اسەر قاراڭعى، سۋىق كۇندەرى تۋىندايدى. نەگىزىنەن، ادام تاڭەرتەڭ قاراڭعىدا جۇمىسقا شىعىپ، كەشكى قاراڭعىدا ۇيلەرىنە كەلەدى. باسقا سەبەپ تابىلعان جوق.