شىعىس قازاقستاندا سۇرانىسقا يە كادرلاردىڭ ءتىزىمىن جاسايدى
بۇل تۋرالى تەگىن كاسىبي ءبىلىم بەرۋ ماسەلەسى قارالعان ماجىلىستە ءسوز بولدى، دەپ حابارلادى «قازاقپارات» ح ا ا.
ءبىلىم بەرۋ باسقارماسىنىڭ باسشىسى ايجان سادىقوۆا العاشقى تەگىن جۇمىس كاسىبىن الۋ بويىنشا جۇرگىزىلگەن ءتۇسىندىرۋ جۇمىستارىنىڭ ناتيجەسىندە اۋىلدىق وقۋ ورىندارىنا 25-29 جاس ارالىعىنداعى جاستاردى قابىلداۋ وتكەن جىلمەن سالىستىرعاندا 5 ەسە وسكەنىن اتاپ ءوتتى. الايدا «بارلىعى ءۇشىن تەگىن كاسىبي- تەحنيكالىق ءبىلىم بەرۋ» جوباسى سىنعا قالدى.
مىسالى، بەسقاراعاي اۋدانىندا كوللەدج مەحانيزاتورلار قاجەت بولا تۇرا، اسپازدار مەن داياشىلاردى دايىندايدى. بۇل رەتتە مەكەمەنىڭ جۇكتەمەسى 40 پايىزدى قۇرايدى، ال جاتاقحانا بوس تۇر. اۋىل شارۋاشىلىعى تەحنيكاسى بوسقا تۇر، سەبەبى ونى پايدالانا بىلەتىن ماماندار جوق. ءوڭىر باسشىسى دانيال احمەتوۆتىڭ پىكىرىنشە، باسىمدىق نومانالدى تولەمگە، ستۋدەنتتەردى كوپتەپ جيناۋعا بەرىلۋى ءتيىس. الايدا سوڭعى ناتيجە ەنشكىمدى تولعاندىرا قويمايدى. «اۋداندىق كوللەدجدەردە ءبىرىنشى كەزەكتە، اۋىلعا قاجەتتى كاسىپتەردى وقىتۋى ءتيىس»، - دەپ اتاپ ءوتتى وبلىس اكىمى.
ۆەدومستۆو «بارلىعى ءۇشىن تەگىن كاسىبي ءبىلىم بەرۋ» جوباسى اياسىندا وقىتۋعا تارتۋعا ارنالعان جاڭا نىساندار تابۋ قاجەتتىگى ءسوز بولدى. ءبىلىم بەرۋ باسقارماسى كاسىپكەرلىك پالاتاسىمەن ىنتىماقتاسۋى ءتيىس. ءبىراق بۇل جەتكىلىكسىز. اۋدانداردا ماماندار جاعدايىن تالداپ، ءار ءوڭىر ءۇشىن باسىم كاسىپتەردى انىقتاۋ قاجەت. بۇل ءۇشىن كاسىپكەرلەر پالاتاسىن عانا ەمەس، ءىرى كاسىپورىنداردى دا تارتۋ قاجەت.
كىمنىڭ قاجەتتىگىن سولار بىلەدى. ءبىر ايدان سوڭ اۋدان اكىمدەرى سۇرانىسقا يە ماماندىقتاردىڭ ءتىزىمىن بەرۋى ءتيىس. سول بويىنشا كەلەسى جىلعا ءبىلىم الۋشىلار جينالادى. ايتقانداي، 2016 -جىلى «بارلىعى ءۇشىن تەگىن كاسىبي- تەحنيكالىق ءبىلىم بەرۋ» جوباسى بويىنشا 35 مىڭ ادام وقىتىلادى. ولاردىڭ ەكى مىڭدايى اۋىلدىق جەرگە كەلەدى. كەلەسى جىلى ماماندار سانىن 3000 نان 6000 عا ۇلعايتۋ جوسپارلانۋدا.
