عالىمدار ەرلەرگە ارنالعان جۇكتىلىكتەن ساقتاندىراتىن ءدارى ويلاپ تاپتى

استانا. قازاقپارات - بريتاندىق عالىمدار ەرلەردىڭ ۇرىعىن ۋاقىتشا قاۋقاۋرسىز ەتەتىن ءدارى ويلاپ تاپتى.

 پرەپاراتتىڭ اسەرلىلىگى %96 عا دالەلدەندى. ايەلدەرگە ارنالعان دارىلەر دە ءدال وسىنداي كورسەتكىشكە يە. بۇل تۋرالى The Daily Mail جازدى.

پرەپاراتتىڭ باستى ارتىقشىلىعى - قۇرامىنداعى - پروگەستاگەندە. ونىڭ وسى اتتاس گورمونمەن ورتاق نارسەسى كوپ. ءدال وسى گورموندى ايەلدەر جۇكتىلىكتەن ساقتانۋ ءۇشىن پايدالانادى. پروگەستاگەن ەر ادامنىڭ ۇرىعىن ۋاقىتشا قاۋقارسىز ەتە الادى. بۇل دەگەنىڭىز دارىلىك پرەپارات ۋاقىتشا بولسا دا ەر ادامدى بەدەۋ ەتەدى.

دارىلىك پرەپارات سپەرماتوزويدتىڭ ەڭ بەلسەندى بولىگىن بۇعاتتايدى. اقىرىندا ۇرىق انالىق جۇمىرتقا جاسۋشاسىنا قونا المايدى.

ءدارى وڭدى اسەرىن بەرۋى ءۇشىن ەر ادام جىنىستىق قاتىناستان بىرنەشە ساعات بۇرىن وسى ءدارىنى قابىلداۋى ءتيىس. ونىڭ اسەرى بىرنەشە تاۋلىككە دەيىن سوزىلادى.

عالىمداردىڭ ايتۋىنشا، زەرتتەۋ جۇمىستارى ءالى دە جالعاسىن تابۋدا. ال تۇتىنۋشىلار مۇنداي دارىلەردى ءدارىحانالاردان تەك بىرنەشە جىلدان كەيىن الا الادى. اتالعان پرەپاراتتى جاپپاي ءوندىرۋ 2021 -جىلى باستالاۋى مۇمكىن. سول سەبەپتى مۇشەقاپ وندىرۋشەلەرى سۇرانىس ازايادى دەپ قورىقپاي- اق قويسىن.

Stan.kz